فوتو: azattyq.org

الماتىلىق بەلسەندىلەر «Oyan, Qazaqstan» قوزعالىسىن قۇردى.

ماۋسىم ايىنىڭ 5-ءى كۇنى الماتىلىق بەلسەندىلەر كوپشىلىككە «Oyan, Qazaqstan» قوزعالىسىنىڭ قۇرىلعاندىعىن جاريالادى. بەلسەندىلەردىڭ سوزىنشە، قوزعالىس مارافون كەزىندە الماتىنىڭ ءال-فارابي داڭعىلى بويىنا «شىندىقتان قاشىپ قۇتىلمايسىڭ» پلاكاتىن ىلگەن بەيبارىس تولىمبەكوۆ پەن ءاسيا تولەسوۆانى قاماۋعا العاننان كەيىن قۇرىلعان.

بەلسەندىلەر قوزعالىسپەن قاتار وزدەرى دايىنداعان توعىز بولىمنەن تۇراتىن ازاماتتىق دەكلاراتسيالارىن جاريالادى.  وندا سايلاۋ جۇيەسىن رەفورمالاۋ، ساياسي قۋعىندى توقتاتۋ، پارلامەنتتىك باسقارۋعا كوشۋ سياقتى باستامالار كورسەتىلگەن.

بۇعان دەيىن اكتەر ءانۋار نۇرپەيىسوۆ، ازاماتتىق بەلسەندى ءاسيا تولەسوۆا باستاعان ءبىر توپ جاس "مەن وياندىم" الەۋمەتتىك چەلەندجىن باستاعان. ول الەۋمەتتىك جەلىلەردە تاراپ، قوعامدا قىزۋ تالقىلانعان.

"The Qazaq Times"