Фото: azattyq.org

Алматылық белсенділер «Oyan, Qazaqstan» қозғалысын құрды.

Маусым айының 5-і күні алматылық белсенділер көпшілікке «Oyan, Qazaqstan» қозғалысының құрылғандығын жариялады. Белсенділердің сөзінше, қозғалыс марафон кезінде Алматының әл-Фараби даңғылы бойына «Шындықтан қашып құтылмайсың» плакатын ілген Бейбарыс Толымбеков пен Әсия Төлесованы қамауға алғаннан кейін құрылған.

Белсенділер қозғалыспен қатар өздері дайындаған тоғыз бөлімнен тұратын азаматтық декларацияларын жариялады.  Онда сайлау жүйесін реформалау, саяси қуғынды тоқтату, парламенттік басқаруға көшу сияқты бастамалар көрсетілген.

Бұған дейін актер Әнуар Нұрпейісов, азаматтық белсенді Әсия Төлесова бастаған бір топ жас "Мен ояндым" әлеуметтік челенджын бастаған. Ол әлеуметтік желілерде тарап, қоғамда қызу талқыланған.

"The Qazaq Times"