قىتاي اۋعانستاندى قايتا قۇرۋعا كومەكتەسپەك. بۇل تۋرالى «تاليباننىڭ» رەسمي مالىمدەمەشىسى زابيحۋللا مۋجاحيد مالىمدەدى. ونىڭ ايتۋىنشا قىتاي اۋعانستانعا زور كولەمدە ەكونوميكالىق قولداۋ كورسەتەدى.

تالىپتەردىڭ رەسمي وكىلى بۇل مالىمدەمەسىن يتاليانىڭ La Repubblica باسىلىمىنا بەرگەن سۇحباتىندا ورتاعا سالعان. سۇحباتتا مۋجاحيد «تاليبان» مەن بەيجىڭ اراسىنداعى كەلىسسوزدەردىڭ ناتيجەسىندە قىتاي اۋعانستانعا ينۆەستيتسيا سالۋعا، ەلدىڭ قايتا قۇرىلۋىنا قولداۋ كورسەتۋگە دايىن ەكەنىن ايتقان.

ءمۋجاحيدتىڭ ايتۋىنشا، قىتاي قازىر اۋعانستاننىڭ سەنىمدى كورشىلىك قاتىناستاعى سەرىكتەس ەلى سانالادى، اۋعانستان ءوز كەزەگىندە قىتايدىڭ «ءبىر بەلدەۋ، ءبىر جول» جوباسىنا قولداۋ كورسەتۋگە دايىن. ءتالىپ وكىلى قىتايدىڭ بۇل جوباسى اۋعانستاندى قايتا قۇرۋدا ۇلكەن مۇمكىندىك دەپ باعالاعان. ول بۇعان قوسا قىتاي قازىردىڭ وزىندە اۋعان جەرىندەگى كەندەردى اشىپ جاتقانىن ايتقان.

«تاليبان» تارابى ايماقتاعى ستراتەگيالىق باسىمدىققا يە رەسەي مەن دە تىعىز قارىم-قاتىناس ورناتقان. ماسكەۋمەن اراداعى كەلىسىمدەر بويىنشا اۋعانتسانداعى تۇراقتىلىق پەن بەيبىتشىلىكتى ساقتاۋعا رەسەي تارابىنان دا قولداۋ بولاتىنىن جەتكىزگەن.

يتاليان باسىلىمىنا بەرگەن سۇحباتىندا زابيبۋللا مۋجاحيد وزگە دە ەلدەردىڭ تالىپتەردى اۋعانستانداعى رەسمي بيلىك قاتارىندا ەرتەرەك تانۋىن ءۇمىت ەتەتىنىن ايتقان.

The Qazaq Times