سايلاۋ الدىندا پوليتسيا كۇشەيتىلگەن رەجيمدە جۇمىس ىستەيدى.

بۇگىن ەلوردادا ىشكى ىستەر ءمينيسترى ەرلان تۇرعىمباەۆ جۋرناليستەر سۇراعىنا جاۋاپ بەردى. وندا ول قاۋىپسىزدىكتى قامتاماسىز ەتۋ ءۇشىن «قۇقىقتىق ءتارتىپ» وپەراتسياسىنىڭ باستالعاندىعىن ايتتى.

«قوعامدىق قاۋىپسىزدىكتى قامتاماسىز ەتۋ ءۇشىن «قۇقىقتىق ءتارتىپ» وپەراتسياسى ءجۇرىپ جاتىر. بۇل ەلوردادا عانا ەمەس رەسپۋبليكا بويىنشا جۇرۋدە. شارا ماۋسىم ايىنىڭ 6-ىنا دەيىن جالعاسادى. ال 7-ءشى ماۋسىمنان 12-ءشى ماۋسىمعا دەيىن سايلاۋعا بايلانىستى پوليتسيا تولىقتاي كۇشەيتىلگەن رەجيمدە جۇمىس ىستەيتىن بولادى» - دەپ مالىمدەدى تۇرعىمباەۆ.

ءمينيستردىڭ سوزىنشە، سايلاۋ كۇنى قوعامدىق قاۋىپسىزدىكتى قامتاماسىز ەتۋگە 21 مىڭ پوليتسيا جۇمىلدىرىلادى.

قازاقستاندا كەزەكتەن تىس پرەزيدەنت سايلاۋى ماۋسىم ايىنىڭ 9-ى كۇنى بولادى.

"The Qazaq Times"