بۇرىنعى الماتى وبلىسى پوليتسيا دەپارتامەنتىنىڭ ەكس-باسشىسى سەرىك كۇدەباەۆتىڭ سوتى كەيىنگە قالدى. بۇل تۋرالى تىلشىمىزگە جەتىسۋ وبلىستىق سوتىنىڭ پرەسس سەكرەتارى ورىنباساروۆ نۇرسۇلتان مالىمدەدى.

وتكەن سوت وتىرسىندا  10 ناۋرىزدا ساعات 11:00-دە سەرىك كۇدەباەۆ سوڭعى ءسوزىن سويلەيدى دەلىنگەن.  الايدا، بۇگىن جەتىسۋ وبلىستىق سوتى كۇدەباەۆتىڭ دەنساۋلىعىنا بايلانىستى سوت وتىرىسىنا كەلە الماي قالعانىن ايتتى.

بۇعان دەيىنگى سوت وتىرىسىندا پروكۋرور سۋديادان كۇدەباەۆقا 9 جىل باس بوستاندىعىنان ايىرۋ جازاسىن تاعايىنداۋدى سۇراعان.

28 اقپاندا وتكەن سوت وتىرسىندا پروكۋرورلار سەرىك كۇدەباەۆقا قىلمىستىق كودەكستىڭ 362 بابىنىڭ 4 بولىگىمەن 8 جىل، 146 باپتىڭ 2 بولىگىمەن 4 جىل قاماۋ جازاسىن بىرىكتىرىپ، 58 باپتىڭ ياعني قىلمىستىق قۇقىق بۇزۋشىلىقتار جيىنتىعى بويىنشا جازا تاعايىنداۋدىڭ 3 بولىگىمەن 9 جىلعا قاماۋ جازاسىن سۇراعان بولاتىن.