ۇلىبريتانيادا قازاقستاندا وتەتىن كەزەكتەن تىس پرەزيدەنتتىك سايلاۋ تالقىلاندى.
قازاقستاننىڭ بريتانياداعى ەلشىسى ەرلان ىدىرىسوۆ جەرگىلىكتى ساياسي جانە بيزنەس ەليتا، سونداي-اق باق وكىلدەرىنە كەزەكتەن تىس پرەزيدەنتتىك سايلاۋدىڭ قازاقستاندىقتار ءۇشىن ماڭىزىن جانە وعان دايىندىق تۋرالى اڭگىمەلەدى. كەزدەسۋ ۇلىبريتانياداعى ساياسات پەن بيزنەستەگى كوشباسشىلاردىڭ باسىن بىرىكتىرەتىن ورتالىق – لوندون ديرەكتورلار ينستيتۋتىندا وتكەن. باسقوسۋ كەزىندە قازاقستانداعى رەفورمالار مەن الداعى سايلاۋعا دايىندىق شارالارى تالقىلانعان.
CMS Cameron Mckenna Nabarro Olswang LLP كومپانياسىنىڭ كەڭەسشىسى ترەۆور بارتون: «ەلشى سايلاۋ وتكىزۋدىڭ ەرەجەلەرى تۋرالى ايتتى. ءبىز ناۋقاننىڭ دەموكراتيالىق نورمالارعا تولىق جاۋاپ بەرەتىندىگىن تۇسىندىك. بىرنەشە كانديدات بار ەكەن. سايلاۋ ناتيجەلەرىن اسىعا كۇتەتىن بولامىز جانە ءادىل سايلاۋ وتەدى دەگەن ويدامىز»، – دەيدى.
ايتا كەتەيىك، بيىل كەزەكتەن تىس پرەزيدەنتتىك سايلاۋ 9 ماۋسىمدا وتەدى. وسى جولى قر وسك جەتى كانديداتتى تىركەدى. ولاردىڭ ىشىندە «Nur Otan» پارتياسىنان قاسىم-جومارت توقاەۆ، «ۇلت تاعدىرى» ۇلتتىق-پاتريوتتىق قوزعالىسى ۇسىنعان كانديدات ءامىرجان قوسانوۆ، «اۋىل» حالىقتىق-دەموكراتيالىق پاتريوتتىق پارتياسىنان تولەۋتاي راحىمبەكوۆ، قازاقستاننىڭ كوممۋنيستەر پارتياسىنان جامبىل احمەتبەكوۆ، «ۇلى دالا قىراندارى» رەسپۋبليكالىق قوزعالىسىنان ءسادى-بەك تۇگەل، قازاقستان رەسپۋبليكاسىنىڭ كاسىپوداقتار فەدەراتسياسىنان امانگەلدى تاسپيحوۆ جانە «اق جول» قازاقستاننىڭ دەموكراتيالىق پارتياسىنان دانيا ەسپاەۆا بار.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى