تۇرعىمباەۆتىڭ ديلەمالىق مالىمدەمەسى: «ءىىم ءۇشىن ازاماتتىق قوعامنىڭ ءبارى ارانداتۋشى ما؟»

ىشكى ىستەر ءمينيسترى ەرلان تۇرعىمباەۆ پوليتسيا ميتينگ كەزىندەگى ءتارتىپ بۇزۋ ارەكەتتەرىمەن كۇرەسۋدى جالعاستىرادى. 

ىشكى ىستەر مينيسترلىگىنىڭ مەديا پورتالى Polisia.kz-ءتىڭ حابارلاۋىنشا، باس پوليتسەي ەرلان تۇرعىمباەۆ ۆەدومستۆولار مەن ايماقتىق پوليتسيا باسقارمالارىنىڭ باسشىلارىمەن كەزدەسۋ بارىسىندا:

«قازاقستاننىڭ بىرنەشە قالاسىندا سانكتسيالانباعان ميتينگ وتكىزۋ جانە وعان قاتىسۋ ارەكەتتەرى تىركەلىپ وتىر. باس پروكۋراتۋرانىڭ بىرنەشە رەت ەسكەرتكەنىنە قاراماستان كەي ازاماتتار ەلىمىزدە تىيىم سالىنعان ەكسترەميستىك ۇيىمنىڭ ۇراندارىنا سەنىپ، الاڭعا شىعادى. ولار كولىك قوزعالىسىنا كەدەرگى جاساپ، جولدا كوللاپس تۋعىزۋعا تىرىسادى. ءتارتىپتىڭ ساقتالۋىن قاداعالاپ جۇرگەن قىزمەتكەرلەرگە كۇش كورسەتەدى. مۇنىڭ ءبارى ازاماتتاردىڭ قاۋىپسىزدىگى مەن تىنىشتىعىنا قاۋىپ توندىرەدى»، – دەدى.

ءىىم باسشىسى سونداي-اق، قازاقستان پوليتسياسىنىڭ باستى مىندەتى – حالىقتىڭ بەيبىت ءومىرى مەن تىنىشتىعىن قامتاماسىز ەتۋ ەكەنىن اتاپ ءوتتى.

«پوليتسيا ءۇشىن ەڭ باستىسى – قاۋىپسىزدىك پەن قوعامدىق ءتارتىپ. زاڭعا قۇلاق اساتىن ازاماتتارعا الاڭدايتىن ەشتەڭە جوق. بىراق ميتينگكە جۇمىسقا بارعانداي باراتىن كەي ازاماتتار الاڭداتادى. ولار ارانداتۋشىلاردىڭ ىقپالىندا، سوندىقتان بەيبىتشىلىك پەن تۇراقتىلىق – بىزدەگى ەڭ قۇندى نارسە ەكەنىن، ونى بارىنشا باعالاۋ كەرەكتىگىن تۇسىنبەيدى. سول ءۇشىن پوليتسيا الداعى ۋاقىتتا دا ەل قاۋىپسىزدىگى ءۇشىن قىزمەت ەتپەك. قازاقستان حالقىنىڭ تىنىش ءارى بەيبىت تىرشىلىگىن قورعاۋ – ءبىزدىڭ نەگىزگى مىندەتىمىز»، – دەيدى ول.

ۆەدومستۆو باسشىسىنىڭ ايتۋىنشا، قۇقىق قورعاۋ ورگاندارىنىڭ قىزمەتكەرلەرى قوعامدىق ءتارتىپتى بۇزۋ ارەكەتىنە قارسى كۇرەستى جالعاستىرا بەرمەك. ول قاراماعىنداعى باسشىلارعا پوليتسيا قىزمەتكەرلەرىن زاڭعا قايشى، ارانداتۋشىلىق ارەكەتتەردەن قورعاۋدى تاپسىردى.

“The Qazaq Times”