ۋكراينادا كەزەكتەن تىس سايلاۋ مەرزىمى انىقتالدى

ۋكراينا پرەزيدەنتى ۆلاديمير زەلەنسكيدىڭ VIII شاقىرىلىمداعى جوعارعى رادانى تاراتىپ، كەزەكتەن تىس سايلاۋ وتكىزۋ تۋرالى جارلىعى كۇشىنە ەندى.

ۋكراينفورۋم مالىمەتىنشە، كەزەكتەن تىس سايلاۋ 21 شىلدەگە جوسپارلانعان. وسى ماقساتتا ۋكراينا مينيسترلەر كابينەتىنە جوعارعى رادانىڭ كەزەكتەن تىس سايلاۋىن قارجىلاندىرۋ تاپسىرىلدى. سايلاۋعا قاتىستى رەسمي قۇجاتتا: «ۋكراينا كونستيتۋتسياسىنىڭ 90-بابى ەكىنشى بولىگى 1-تارماعى، 83-بابى التىنشى جانە جەتىنشى بولىگى، 77-بابى ەكىنشى بولىگىنە جانە 106-بابى ءبىرىنشى بولىگى 7 جانە 8-تارماقتارىنا سايكەس، VIII شاقىرىلىمداعى ۋكراينا جوعارعى راداسىنىڭ وكىلەتتىگىن مەرزىمىنەن بۇرىن توقتاتۋدى قاۋلى ەتەمىن. ۋكراينا جوعارعى راداسىنىڭ كەزەكتەن تىس سايلاۋى 2019 جىلدىڭ 21 شىلدەسىندە وتكىزىلسىن»، - دەلىنگەن.

پارلامەنت كواليتسياسىنداعى دەپۋتتاتاردىڭ ازدىعىنا بايلانىستى زەلەنسكي كومانداسى جوعارعى رادانى مەرزىمىنەن بۇرىن تاراتۋ تۋرالى شەشىم قابىلداعان. وسىعان دەيىن كواليتسيانى «ساموپوموشش» جانە «باتكيۆششينا» پارتيالارى تاستاپ كەتكەن. قازىرگى ۋاقىتتا پارلامەنتتە «پەتر پوروشەنكو بلوگى» مەن «حالىق فرونتىنىڭ» 226 دەپۋتاتى بار. بۇل سانى جاعىنان پارلامەنتتىڭ جارتىسى عانا.

"The Qazaq Times"