ءازىربايجاندا كەزەكتەن تىس سايلاۋ ءوتتى. فوتو: ERA,

جەكسەنبىدە ءازىربايجاندا كەزەكتەن تىس پارلامەنت سايلاۋى ءوتتى. ەلدىڭ ورتالىق سايلاۋ كوميسسياسى بەرىلگەن 87 پايىز داۋىستى ەسەپتەگەننەن كەيىن قازىر بيلىكتەگى «جاڭا ءازىربايجان» پارتياسىن جەڭىمپاز دەپ جاريالادى.

سايلاۋ ناتيجەسىنە ساي ءازىربايجان پارلامەنتىندەگى 125 ورىننىڭ 65-ءىن ءجاپ يەلەنۋى مۇمكىن. ەلدەگى رەسمي مالىمەت بويىنشا سايلاۋعا ەل ازاماتتارىنىڭ 47,8 پايىزى قاتىسقان.

دەگەنمەن، ازىربايجانداعى سايلاۋدا العاش رەت سايلاۋشىلار تاۋەلسىز تالاپكەرلەرگە كوبىرەك داۋىس بەردى. ساراپشىلاردىڭ پىكىرىنە قاراعاندا سايلاۋدان كەيىن جاس ساياساتكەرلەر قاتارى كوبەيۋى مۇمكىن.

سايلاۋعا وپپوزيتسيالىق پارتيا سانالاتىن «مۋساۆات» پارتياسى دا قاتىسقانىن ايتا كەتەيىك. سايلاۋدان بۇرىن بۇل پارتيا بارلىق قولداۋشىلارىن سايلاۋعا بەلسەنە قاتىسۋعا شاقىرعان. ولار وپپوزيتسيالىق كۇشتەر ءۇشىن بۇل سايلاۋ تاريحي سايلاۋ بولاتىنىن ايتقان ەدى.

دەگەنمەن، ەلدەگى شىنايى وپپوزيتسيا رەتىندە اتالىپ جۇرگەن «ۇلتتىق دەموكراتيالىق كۇشتەردىڭ كەڭەسى» كەزەكتەن تىس سايلاۋدى زاڭسىز دەپ تاۋىپ، سايلاۋعا بويكوت جاريالادى. ولار قازىر ەلدە اشىق ءارى دەموكراتيالى سايلاۋ وتكىزۋ مۇمكىن ەمەس.

ءازىربايجان پارلامەنتىندەگى 125 ورىن ءۇشىن تىركەلگەن 19 پارتيادان 272 ۇمىتكەر قاتىسقان. الايدا، تاۋەلسىز ۇمىتكەرلەر سانى ولاردان بىرنەشە ەسە كوپ. پارلامەنت سايلاۋىنا ۇمىتكەر تاۋەلسىز قاتىسۋشىلار سانىن قوسا ەسەپتەگەندە كەزەكتى سايلاۋعا 1300-دەن استام تالاپكەر قاتىسقان. بۇل ازىربايجانداعى ىشكى نارازىلىقتى دا كورسەتتى دەۋگە بولادى.

“The Qazaq Times”