«ۇلت تاعدىرى» قوزعالىسىنىڭ ۇمىتكەرى ءامىرجان قوسانوۆ ءتىل سىناعىنان ءوتتى.

ماۋسىم ايىنىڭ 9-ى كۇنى وتەتىن كەزەكتەن تىس پرەزيدەنت سايلاۋىنا كانديدات ءامىرجان قوسانوۆ قازاق ءتىلى سىناعىنان ءوتتى. ءتىل كوميسسياسىنىڭ توراعاسى مىرزاتاي جولداسبەكوۆتىڭ ايتۋىنشا، قوسانوۆ ءتىل سىناعىنان سۇرىنبەي وتكەن جانە قازاق ءتىلىن ەركىن مەڭگەرگەن.

ءامىرجان قوسانوۆ ءتىل سىناعىندا «تمد تاريحى جانە بۇگىنى» تاقىرىبىندا شىعارما جازىپ، قادىر مىرزاليەۆتىڭ ولەڭدەرىن وقىپ، «ونەر ءبىلىم بار جۇرتتا» تاقىرىبىندا وي-تولعاۋ ايتقان.

وپپوزيتسيالىق ساياساتكەر ءامىرجان قوسانوۆتى «ۇلت تاعدىرى» قوزعالىسى ءساۋىر ايىنىڭ 26-ى كۇنى پرەزيدەنت سايلاۋىنا كانديدات رەتىندە ۇسىنعان.

"The Qazaq Times"