پۋتين – كيم سامميتىنەن ناتيجە بولمايدى

سولتۇستىك كورەيا باسشىسى كيم جوڭ ۋڭ مەن رەسەي پرەزيدەنتى ۆلاديمير پۋتين كەزدەسۋىنەن ايتارلىقتاي ناتيجە كۇتۋدىڭ قاجەتى جوق. بۇل تۋرالى Time باسىلىمى حابارلادى.

وسىعان دەيىن ءپۋتيننىڭ ءباسپاسوز وكىلى دميتري پەسكوۆ مالىمدەمەسىندە، ەكى ەل باسشىسى جەكە كەڭەس وتكىزىپ، كەيىن كەڭەيتىلگەن كەزدەسۋ جاساعان. كەزدەسۋدە ەكى ەل قاتىناسىن دامىتۋ، كورەي تۇبەگىن يادرولىق قارۋسىزداندىرۋ جانە ايماقتىق قىزمەتتەستىك تاقىرىپتارى ءسوز بولعان.

دەگەنمەن، Time باسىلىمى حابارلاعانداي، كەزدەسۋ بارىسىندا كيم جوڭ ۋننىڭ «اۋىر كۇرسىنۋى» قوس مەملەكەت بايلانىسىندا وزگەرىس بولمايتىندىعىن بىلدىرەدى. ال سولتۇستىك كورەيا باسىلىمدارى بۇل جاعدايعا پرەزيدەنتتىڭ ارتىق سالماعى اسەر ەتكەن بولۋى مۇمكىن دەيدى. شەتەلدىك باق «كيم جوڭ ۋڭنىڭ يادرولىق قارۋدى قۇرۋ باعدارلامالارىنا قاتىستى قويىلعان سانكتسيالاردان قالاي قۇتىلاتىنى بەلگىسىز. سوعان قاراماستان، ول الەمدىك ساحنادا ءوزىن سەنىمدى ۇستاي ءبىلدى»، – دەپ جازدى.

ەكى ەل اراسىنداعى كەزدەسۋ سولتۇستىك كورەيا ەكونوميكالىق جانە ساياسي قىسىمدار استىندا، قيىن قالدە تۇرعان كەزگە تۇسپا-تۇس كەلىپ وتىر. ءارى، ۆەتنامدا وتكەن ەكىنشى «ترامپ – كيم» ءسامميتى ءساتسىز اياقتالعاننان كەيىن سولتۇستىك كورەيا باسشىسىنىڭ العاش رەت رەسمي ساپار جاساۋى. بۇعان دەيىن كيم مەن پۋتين اراسىندا كەزدەسۋ بولعان ەمەس.

"The Qazaq Times"