نارازى توپ بىشكەكتە شەرۋگە شىقتى. فوتو: TRK.

قىرعىزستاندا ۋران كەنىن اشۋعا قارسى نارازىلىق اكتسياسى جالعاسۋدا. بىشكەكتە شەرۋگە جينالعاندار بۇكىل ەل كولەمىندە ۋران كەندەرىن جابۋدى تالاپ ەتۋدە.

قىرعىز بيلىگى ۋران كەنىن بارلاپ-اشۋعا بەرگەن رۇقساتىن قايتارىپ العانىن، قىزىل-ومپول كەنىن تولىعىمەن جابۋعا شەشىم قابىلداعانىن ايتقان. بۇعان قاراماستان نارازى توپ الاڭعا جينالدى جانە ۇكىمەتتەن ۋران كەنىن جابۋ تۋرالى شەشىمدى كورسەتۋدى تالاپ ەتتى.

نارازى توپ «يۋرازيا» اتتى كومپانيانىڭ قىزىل-ومپولداعى ۋران كەنىن زاڭسىز اشىپ كەلگەنىن، بۇعان ۇكىمەتتىڭ كوز جۇما قاراعانىن ايىپتادى. بۇل ىسكە جوعار پروكۋراتۋرانىڭ ءتيىستى شارا قولدانۋىن تالاپ ەتتى.

بۇدان ەكى كۇن بۇرىن ۆيتسە-پرەمەر كەن ايماعىنا بارىپ، بالىقشىداعى جەرگىلىكتى نارازى توپپەن كەزدەسۋ وتكىزگەن بولاتىن. جەرگىلىكتى تۇرعىندار بۇعان دەيىن زاڭسىز اشىلعان كەندەردى تولىعىمەن جابۋدى جانە زاڭ بۇزۋشىلىق ىستەرىنە ءتيىستى جازا قولدانۋدى سۇراعان.

قىرعىزستاندا كەڭەس كەزىندە اشىلعان ۋران كەندەرىنەن زاردابى ايىقپاعان ايماقتار بار. قىرعىزستانداعى كەيبىر قوعامدىق ۇيىمدار مەن وپپوزيتسيالىق پارتيالار ەل كولەمىندە ۋران كەنىن بارلاۋ مەن اشۋدى 2070 جىلعا دەيىن شەكتەۋ تۋرالى زاڭ جوبالارىن ۇسىنعان بولاتىن.

“The Qazaq Times”