رۋمىنياداعى سايلاۋدا وپپوزيتسيا جەڭىپ كەلەدى

سوتسيال-دەموكراتيالىق پارتيا رۋمىنياداعى پارلامەنتتىك سايلاۋدا جەڭىسكە جەتۋى مۇمكىن. بۇل تۋرالى Digi 24 تەلەارناسى حابارلادى.

بيۋللەتەندەردىڭ 95%-ى وڭدەلگەننەن كەيىن ايالعان پارتيا 29,8% داۋىس جيناعان. ال رۋمىنيا بيلىگىنە قاراستى ۇلتتىق ليبەرالدى پارتيا 25,11% داۋىس جينادى. وداق اليانسى – بوستاندىق، بىرلىك جانە ىنتىماقتاستىق پارتياسى 14,5%، بىرلىك اليانسى (8,7%) جانە رۋمىنيا ۆەنگرلەرىنىڭ دەموكراتيالىق وداعى 6% داۋىس جيناعان.

ەكزيت-پولدىڭ قورىتىندىسى بويىنشا سوتسيال-دەموكراتيالىق پارتيا بيلىك باسىنداعى ۇلتتىق-ليبەرال پارتيادان 0,7% ايىرماشىلىقپەن الدا تۇر. بىراق قازىرگى پرەمەر-مينيستر ليۋدۆيگ وربان ونىڭ پارتياسى باسىم ءتۇستى دەپ سانايدى. ونىڭ مالىمدەۋىنشە، ەكزيت-پولدار شەتەلدەگى ازاماتتاردىڭ داۋىسىن ەسەپتەمەيدى.

سىرت ەلدەردە 4 ملن رۋمىندىقتىڭ 270 مىڭى داۋىس بەرگەن. سوندىقتان ۇكىمەت باسشىسى تۇپكىلىكتى رەسمي ناتيجەنى كۇتۋ قاجەت دەيدى.

وسك مالىمەتتەرى بويىنشا، جەكسەنبى ساعات 21:00-دە ەل بويىنشا سايلاۋعا قاتىسۋ 31,8% بولعان. ياعني سايلاۋ تىزىلىمىنە ەنگىزىلگەن 18 ميلليوننان استام رۋمىندىقتاردىڭ 5,8 ميلليونعا جۋىعى وزدەرىنىڭ داۋىس بەرۋ قۇقىعىن پايدالاندى. بۇل – سوڭعى 30 جىلداعى ەڭ تومەن كورسەتكىش. داۋىس بەرۋشىلەردىڭ كەلۋىنە كوروناۆيرۋس ىندەتى اسەر ەتكەن بولۋى كەرەك.

"The Qazaq Times"