قىرعىزستاندا ۋران كەنىنىڭ داۋى ءورشىدى

ىستىق كولدىڭ بالىقشى قالاسىنا 35-40 شاقىرىم قاشىقتىققا ورنالاسقان قىزىل-ومپول ۋران كەنىن اشۋعا ەل تۇرعىندارى جاعىنان قارسىلىق بارعان سايىن كۇشەيۋدە. ەل تۇرعىندارى الەۋمەتتىك جەلىلەردە جانە كەن ايماعىندا نارازىلىق شارالارىن وتكىزدى. ولار ۋران كەنىنىڭ زاردابى اۋىر، زيانى كوپ بولادى دەپ قارايدى. دەگەنمەن، بۇعان ۇقساماعان پىكىرلەر دە بار. 

قىزىل-ومپول ۋران كەنىن بارلاۋعا 2010 جىلى ۇكىمەت تارابىنان رۇقسات بەرىلگەن. بارلاۋ قىزمەتى 2020 جىلى اياقتالۋعا ءتيىس بولعان.  حالىقتىڭ كۇشتە نارازىلىعىنان كەيىن ۇكىمەت تارابى ارنايى كوميسسيا قۇرۋعا شەشىم شىعاردى. قۇرىلعان ارنايى كوميسسيا اتالعان ماسەلەنى از كۇننىڭ ىشىندە شەشۋگە مىندەتتى. كوميسسيا ءوز جۇمىسىن قورىتىندىلاعانعا دەيىن كەن بارلاۋ قىزمەتى دە ۋاقىتشا توقتاتىلۋى مۇمكىن.

دەگەنمەن، ۋران كەنىن اشۋ تۋراسىندا تالاس-تارتىس بىرىڭعاي قارسىلىق پىكىرلەردە عانا ەمەس. قىرعىزدىڭ الەۋمەتتىك جەلىلەرىندە كەندى اشىپ پايدالانۋدى قولداۋشى پىكىرلەر دە كوپ. تالاستى تاقىرىپ قازىر سول ەلدەگى بارلىق اقپارات قۇرالدارىنىڭ باستى تاقىرىبىنا اينالعان.

“The Qazaq Times”