بارسەلونادا ادامزات بولاشاعى ءۇشىن اسا ماڭىزدى جينالىس ءوتتى

كەشە، 27 اقپان يسپانيانىڭ بارسەلونا قالاسىندا «2017 – ۇيالى بايلانىس كونفەرەنتسياسى»  شىمىلدىعىن اشتى. جاڭا تەحنولوگيانى، ۇيالى بايلانىستى ادامزات قوعامىنىڭ دامۋىنا قىزمەت ەتتىرۋ ماقساتىندا وتكەن كونفەرەنتسياعا، الەمنىڭ 100-دەن اسا ەلدەرى مەن ايماقتارىنان كەلگەن 2000-نان اسا ەكسپونات كورمەگە قويىلىپ، 10000-عا تارتا ۇيالى بايلانىس سالاسىنىڭ ماماندارى قاتىستى. بيىلعى كونفەرەنتسيا «جاڭا ەلەمەنت جانە ءىس ادامنىڭ ىرقىندا» دەگەن اتپەن وتپەك.  

فوتو: OK Apartment Barcelona

كونفەرەنتسيانى ۇيىمداستىرۋشى الەمدىك ۇيالى بايلانىس قاۋىمداستىعىنىڭ ايتىسىنا قاراعاندا، 4 كۇندىك كونفەرەنتسيا بارىسىندا 100 رەتتەن استام ونەركاسىپتىك كاسىبي فورۋمىن جاساماق. سونىمەن بىرگە، قوسىمشالاردى وندىرۋشىلەر فورۋمى، ونىمدەر مەن قىزمەتتەردى تاراتۋ جانە باسقا دا تولىپ جاتقان ءىس-شارالار كۇن تارتىپتە تۇر. كەلەسى ۇرپاق ۇيالى تەلەفوندار اينالاسىنداعى، 5G ونىمدەرىنىڭ ەكى نەگىزگى تاقىرىبى سىندى تولىپ جاتقان تاقىرىپتاردى كوتەرگەن كونفەرەنتسيانىڭ باستى ماقساتى – ۇيالى بايلانىس جانە جاڭا تەحنولوگيالاردىڭ ادامزاتقا ساپالىق قىزمەت ەتۋىن قاداعالاۋ بولدى.

فوتو: USA Today

الەمدىك ۇيالى بايلانىس قاۋىمداستىعى كونفەرەنتسيانىڭ اشىلۋ سالتىندا، «ينفورماتسيا شوعىرى (Big Data) ادامزات قوعامىنا قىزمەت ەتۋى كەرەك» دەگەن باستاما كوتەردى. ايتپاعى، جاڭا تەحنولوگيالار ارقىلى توپتاسقان مالىمەتتەر ادامزات پاراساتىنا پاراسات قوسىپ، بولاشاق جاڭا قوعامدارعا باستاۋ، ادامزات قوعامىن باسقارۋ ەپيدەميادان، تابيعي اپاتتاردان جانە وزگە دە قوعامدىق داعدارىستاردان الىپ شىعۋ سىندى قىزمەتتەرگە باعىتتاۋ. بۇل جاڭا تەحنولوگيالار ارقىلى قوعامدىق اعارتۋدىڭ جاڭا فورماسىن جاساۋدى تۇپكى ماقساتى ەتىپ وتىر.

فوتو: Bemo.co

كونفەرەنتسيادا تالقىلانعان جوبالار وسى جىلدىڭ ماۋسىمىنان باستاپ، بانگلادەش، برازيليا، ءۇندىستان، ميانما جانە تايلاند قاتارى ەلدەردە جۇزەگە اسىرىلا باستايدى. بۇل كونفەرەنتسياعا بۇۇ كەڭەسى بارىنشا قولداۋ ءبىلدىرىپ وتىر.

“The Qazaq Times”