پرەزيدەنت سايلاۋىنا ۇمىتكەرلەردى ۇسىنۋ 28 ساۋىردە اياقتالادى.

ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆ ماۋسىم ايىنىڭ 9-ى كۇنى بولاتىن پرەزيدەنت سايلاۋىنا ۇمىتكەرلەردى ۇسىنۋ 10 ساۋىردە باستالىپ، 28 ساۋىردە اياقتالاتىنىن ايتتى. پەتروۆتىڭ سوزىنشە، قازاقستاندا مەرزىمىنەن بۇرىن پرەزيدەنت سايلاۋىن وتكىزۋ بارلىق زاڭدارعا سايكەس جاريالانعان.

«كانديداتتاردىڭ سايلاۋ جارناسى 2 ميلليون 125 مىڭ تەڭگەنى قۇرايدى. اتالمىش قارجى ۇمىتكەر جەڭىسكە جەتكەن جاعدايدا نەمەسە سايلاۋشىلاردىڭ 5 پايىز داۋىسىن جيناعان جاعدايدا قايتارىلادى» - دەپ مالىمدەدى پەتروۆ.

مەملەكەت باسشىسى قاسىم-جومارت توقاەۆ كەزەكتەن تىس پرەزيدەنت سايلاۋى ماۋسىم ايىنىڭ 9-ى كۇنى وتەتىندىگى جونىندە كەشە مالىمدەگەن. تاۋەلسىز قازاقستان تاريحىندا پرەزيدەنت سايلاۋى ءبىر-اق رەت (2005 جىلى) ۋاقىتىندا وتكەن. قالعان ۋاقىتتاردىڭ بارلىعىندا مەرزىمىنەن بۇرىن بولعان.

"The Qazaq Times"