شىڭگىل اۋداندىق حالىق سوتى 13 قازاق ازاماتىن سوتتادى. فوتو: v.qq.com.

وتكەن اپتانىڭ سوڭىندا قىتايدىڭ شىنجاڭ پروۆينتسياسىنداعى شىڭگىل اۋداندىق حالىق سوتى قىتاي قازاقتارىنان شىققان كاسىپكەر، مەتسەنات مامىربەك كوپجاسارۇلى باستاعان 13 قازاق ازاماتىن 1 جىل 6 ايدان  20 جىلعا دەيىن قاماق جازاسىنا كەستى. 

سوت ۇكىمىندە مامىربەككە ۇيىمداسقان قىلمىستىق توپ قۇرۋ، قاستاندىق ۇيىمداستىرۋ، زاڭسىز كازينو قىلمىسى، قارۋ-جاراق پايدالانۋ قىلمىسىن بۇزۋ، وق-دارىلەر مەن قارۋ-جاراقتى ساقتاۋ، باسقا ايىپتالۋشىلارمەن بىرلەسىپ، «№147» التىن كەنىنە شابۋىل جاساۋ، جۇمىسشىلاردى ۇرىپ سوعۋ، مەملەكەتتىك مۇللىككە زيان كەلتىرۋ، ت.ب. تولىپ جاتقان ايىپتاردى ارتقان.

فوتو: v.qq.com.

سوت تارابى ولاردىڭ قىلمىسى مەملەكەت زاڭىن ەلەمەۋ جانە قوعام اماندىعى مەن تىنىشتىعىنا اۋىر نۇقسان كەلتىرۋ دەپ قاراپ، ايىپتالۋشى 13 ازاماتتى جەكە-جەكە 1 جىل 6 ايدان 20 جىلعا دەيىن باس بوستاندىعىنان ايىرعان.

شىنجاڭ جەرىندەگى بۇل سوت ءىسى تۋرالى ءتۇرلى پىكىرلەر قازىر قازاق ءتىلدى الەۋمەتتىك جەلىدە تاراپ ءجۇر. قىتاي ۇكىمەتى شىنجاڭدا ەكسترەميزم مەن تەرروريزمگە قارسى كۇرەسپەن قاتار، «قوعامداعى زۇلىم كۇشتەرگە قارسى كۇرەس» ناۋقانىن دا باستاعانى بەلگىلى. كەزەكتى سوت ءىسى دە سول كۇرەس ناۋقانىنىڭ اياسىندا بولعانى انىق. وسى ناۋقاننىڭ جەلەۋىمەن قىتايداعى العاباسار قازاق ازاماتتارىنىڭ سۇراقسىز، سوتسىز قامالىپ جاتقاندارى دا بار.

قىتاي بيلىگى 2017 جىلدان باستالعان “ۇيرەنۋ لاگەرلەرىنە” جاسىرىن توپتاپ توعىتۋدان تىس العاش رەت اشىق سوت وتكىزىپ ەتنيكالىق قازاقتاردى توپتىق سوتتاپ وتىر.

“The Qazaq Times”