اتامقۇلوۆ پەن ۋاڭ ي بەيجىڭدە كەزدەستى. فوتو: قر ءسىم رەسمي سايتى.

كەشە قازاقستان ءسىم باسشىسى بەيبىت اتامقۇلوۆ بەيجىڭدە قىتاي سىرتقى ىستەر ءمينيسترى ۋاڭ يمەن كەلىسسوز وتكىزدى. كەلىسسوز بارىسىندا ەكى ەلدىڭ سىرتقى ساياسي ۆەدومستۆو باسشىلارى ساۋدا-ەكونوميكالىق جانە مادەني-الەۋمەتتىك سالالارداعى ىنتىماقتاستىقتى دامىتۋعا كەلىستى.

اتامقۇلوۆ كەزدەسۋدە قازاقستاننىڭ ىشكى ساياسي وزگەرىستەرى ەلدىڭ سىرتقا قاراتقان ساياساتىنا اسەر ەتپەيتىنىن، قىتايمەن بۇعان دەيىنگى قارىم-قاتىناستى جالعاستى ساقتاپ، ءارى ونى دامىتاتىنىن جەتكىزگەن.

ەكى ەلدىڭ رەسمي وكىلدەرى كەلىسسوز كەزىندە قىتايدا تۇراتىن قازاقتاردىڭ ماسەلەسى تۋرالى دا تالقىلاعان. بۇل رەتتە ەكى ەلدىڭ سىرتقى ىستەر مينيسترلىكتەرى تۋىنداعان جانە تۋىنداۋى مۇمكىن ماسەلەلەردى شەشۋگە ءوزارا مۇمكىندىكتەر بەرمەك. ناقتى قانداي مۇمكىندىكتەرمەن الماساتىنى تۋرالى قر ءسىم تارابى انىق مالىمەت بەرمەگەن. دەگەنمەن، بۇل قىتاي قازاقتارىنىڭ ماسەلەسىن شەشۋدەگى جاڭا مۇمكىندىك دەۋگە بولادى. سونداي-اق، كونسۋلدىق قىزمەتتەردىڭ ونىمدىلىگىن ءتىپتى دە جوعارلاتا تۇسۋگە كەلىسكەن.

كەزدەسۋدىڭ قورتىندىسى رەتىندە قازاقستان-قىتاي سىرتقى ساياسي ۆەدومستۆولارى 2020-2022 جىلدارعا ارنالعان ىنتىماقتاستىق تۋرالى مەموراندۋمعا قول قويىستى.

“The Qazaq Times”