اقش، كانادا جانە ەۋروپا وداعىنىڭ سانكتسيالىق شەكتەۋلەرى كۇشەيگەن تۇستا قىتاي سىرتقى ىستەر ءمينيسترىنىڭ شەتەلدىك ساپارلارى جيىلەدى. قىتاي ءسىم باستىسى ۋاڭ ي تۇركياعا جول الىپ، انادولى تۇبەگىندەگى ءۇش كۇندىك رەسمي ساپارىن باستادى.

تۇرىك اقپارات قۇرالدارىنىڭ مالىمەتتەرىنە قاراعاندا، ۋاڭ ءيدىڭ تۇركيا ساپارى 24 ناۋرىز سارسەنبى كۇنى باستالعان. بۇل ساپارىندا ول تۇرىك ءسىم وكىلدەرىمەن قاتار پرەزيدەنت رەجەپ تايىپ ەردوعانمەن كەزدەسۋدى دە جوسپارلاعان.

«انادولى» اقپارات اگەنتتىگىنىڭ حابارىندا ايتىلۋىنشا، ساپار بۇدان ەرتەرەك جوسپارلانعان جانە تۇرىك تارابىنىڭ شاقىرعانى ايتىلادى. 26 ناۋرىزعا دەيىن جالعاساتىن ساپارىندا قىتاي سىرتقى ىستەر ءمينيسترى تۇركيا ۇكىمەتىنىڭ جوعارى جەتەكشىلەرىمەن حالىقارالىق جانە وڭىرلىك گەوساياسي ماسەلەلەر تۋراسىندا كەڭەس وتكىزەتىنى ايتىلعان.

“The Qazaq Times”