لوس-اندجەلەس قالاسىندا امەريكاندىق كينوماتوگرافيا اكادەمياسىمەن ۇسىنىلاتىن «وسكار» جۇلدەسىنىڭ ماراپاتتاۋ سالتاناتى بولىپ ءوتتى. بيىل 89-مارتە ۇيىمداستىرىلعان اكادەميانىڭ ەڭ باستى جۇلدەسى «جىلدىڭ ەڭ ۇزدىك كارتيناسى» نوميناتسياسىنا 9 فيلم ۇسىنىلعان بولاتىن. ەندى وسى تۋىندىلار تۋرالى قىسقاشا ايتىپ، جەڭىسكە جەتۋدەگى مۇمكىندىكتەرىن سارالاپ كورسەك.
"پريبىتيە" ("Arrival")
فوتو: oscars2017
كىمدەر وينايدى جانە رەجيسسەرى كىم؟
ەمي ادامس، دجەرەمي رەننەر، فورەست ۋيتاكەر جانە ۇلكەن سەگىزاياقتارعا ۇقساس وزگە عالامشارلىقتار. رەجيسسەرى - دەنيس ۆيلنيوۆ.
فيلم وسى ۋاقىتقا دەيىن دە كوپتەگەن بەدەلدى جۇلدەلەردى الىپ ۇلگەردى، بىراق "وسكاردا" ۇزدىك اتانۋعا دەگەن مۇمكىندىكتەرى ازداۋ.
"وگرادى" ("Fences")
فوتو: oscars2017
كىمدەر وينايدى جانە رەجيسسەرى كىم؟
ۆيولا دەۆيس جانە دەنزەل ۆاشينگتون ەرلى-زايىپتى روۋز بەن ترويا ماكسونوۆتاردىڭ رولدەرىن سومدايدى. ءفيلمدى وگاستا ۋيلسوننىڭ پەساسىنىڭ جەلىسى بويىنشا دەنزەل ۆاشينگتوننىڭ ءوزى تۇسىرگەن.
اكتەرلاردىڭ تاماشا ويىنىنا قاراماستان، كوپتەگەن باسىلىمداردا جاريالانعان پىكىرلەرگە سايكەس فيلم نەگىزگى اۋتسايدەر.
"پو سووبراجەنيام سوۆەستي" ("Hacksaw Ridge")
فوتو: oscars2017
كىمدەر وينايدى جانە رەجيسسەرى كىم؟
شىعارماشىلىعىنداعى ءبىراز ۋاقىت ساتسىزدىكتەرىنەن كەيىنگى مەل گيبسوننىڭ اسكەري دراما جانرىندا تۇسىرگەن تۋىندىسى. باستى رولدەردە: ەندريۋ گارفيلد، ۆينس ۆونن، حيۋگو ۋيۆينگ جانە تەرەزا پالمەر.
ۇمىتكەر 9 ءفيلمنىڭ ىشىندە 7-ورىنعا يە بولىپ وتىر، بىراق ازىرگە ناقتى شەشىم شىعارۋعا ەرتەرەك. اۋتسايدەرلەردەن وزىپ شىعىپ فاۆوريت اتانۋى دا عاجاپ ەمەس.
"ليۋبوي تسەنوي ("Hell or High Water")
فوتو: oscars2017
كىمدەر وينايدى جانە رەجيسسەرى كىم؟
دجەفف بريدجەس، بەن فوستەر جانە كريس پاين باستى رولدەردى سومداعان دەۆيد ماككەنزيدىڭ ءفيلمى.
ءفيلمنىڭ كەرەمەت ساپاسى مەن ماعىنالى ديالوگتارى كارتينانىڭ فاۆوريتتەر قاتارىنان كورىنۋىنە ىقپال ەتە المادى. كوپشىلىكتىڭ پىكىرىنشە، اۋتسايدەرلەردىڭ ءتىزىمىن تولىقتىراتىن تۋىندى.
"سكرىتىە فيگۋرى" ("Hidden Figures")
فوتو: oscars2017
كىمدەر وينايدى جانە رەجيسسەرى كىم؟
تارادجي پ. حەنسون، وكتاۆيا سپەنسەر جانە جانەل مونە نەگىزگى ءۇش باستى رولدەردى سومداپ شىعادى. رەجيسسەرى - تەودور مەلفي.
اياق استى جەڭىسكە جەتىپ جاتسا، كوپشىلىكتىڭ كوڭىلىنەن شىعاتىن شەشىم بولارى ءسوزسىز. پروكاتتان جيناعان تابىسى دا كولەمدى. باستى ۇمىتكەرلەردىڭ ءبىرى رەتىندە قاراستىرا الامىز.
"لا-لا لەند" ("La La Land")
فوتو: oscars2017
كىمدەر وينايدى جانە رەجيسسەرى كىم؟
داميەن شازەل تۇسىرگەن ميۋزيكلدا رايان گوسلينگ پەن ەمما ستوۋن بيلەپ، ءان سالادى.
بيىلعى "وسكارعا" ۇسىنىلعان فيلمدەردىڭ ىشىندەگى ەڭ كوپ نوميناتسياعا يە فيلم. سونىمەن قاتار، بۋكمەكەرلىك ورتالىقتاردا دا كوش باستاپ تۇر. تانىمالدىعى جاعىنان ءبىرىنشى ورىندا تۇرعاندىعىنا قاراعاندا وسى كارتينانىڭ جەڭىسكە جەتۋى ابدەن مۇمكىن.
"لەۆ" ("Lion")
فوتو: oscars2017
كىمدەر وينايدى جانە رەجيسسەرى كىم؟
سانني پاۆار سارۋ اتتى كەيىپكەردىڭ بالا كەزىن ويناسا، دەۆ پاتەل - ەرجەتكەن شاعىن سومدايدى. ەكىنشى پلانداعى رولدەردە - رۋني مارا مەن نيكول كيدماندى كورە الاسىزدار. رەجيسسەرى - گارت دەۆيس.
دەۆ پاتەل - "ەكىنشى پلانداعى ۇزدىك ەركەك ءرولى" نوميناتسياسىنا ۇمىتكەرلەردىڭ ىشىندەگى ەڭ تانىمالى بولا تۇرعانىمەن، ءفيلمنىڭ ۇزدىك اتانۋداعى مۇمكىندىگى شامالى.
"مانچەستەر ۋ موريا" ("Manchester by the Sea")
فوتو: oscars2017
كىمدەر وينايدى جانە رەجيسسەرى كىم؟
باستى رولدەردە - كەيسي اففلەك جانە ميشەل ۋيليامس، رەجيسسەرى - كەننەت لونەرگان.
كينواكادەمياداعىلاردىڭ تالعامىنا ساي كۇردەلى ءارى اۋىر تۋىندى. سول سەبەپتى دە ازىرگە 4-ورىنعا تۇراقتاپ وتىر.
"لۋننىي سۆەت" ("Moonlight")
فوتو: oscars2017
كىمدەر وينايدى جانە رەجيسسەرى كىم؟
ماحەرشالا الي، ناومي حارريس جانە جانەل مونا باستى رولدەردى سومدايتىن كارتينانىڭ رەجيسسەرى - بارري دجەنكينس.
تانىمالدىعى جونىنەن ەكىنشى ورىنداعى كارتينا، جەڭىسكە جەتۋدەگى مۇمكىندىكتەرى دە زور.
ايتا كەتسەك، جوعارىدا كورسەتىلگەن بولجامدار بويىنشا ءار كارتيناعا الەمدىك باسىلىمدار وسىنداي پىكىر بىلدىرگەن بولاتىن. ال اكادەميانىڭ باس جۇلدەسىن ""لۋننىي سۆەت" ("Moonlight") ءفيلمى يەلەندى.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
VI Digital Almaty: مينيسترلىك فورۋمدى قازاقشا وتكىزۋگە ۋادە بەردى
ينتەللەكتۋالدى پوەتيكالىق دراما. «9 گرامم»
موڭعوليا استاناسىندا جاپپاي نارازىلىق شەرۋلەرى ءوتتى