فوتو: https://zonakz.net

قازاقستان حالقى بانكتەرگە 6 تريلليون تەڭگە قارىز.

«ءبىرىنشى كرەديتتىك بيۋرو» مالىمەتىنشە، بۇل كورسەتكىش الدىڭعى جىلمەن سالىستىرعاندا 15%-عا ارتىق.  قازىردىڭ وزىندە 92% جەكە تۇلعا ەكىنشى دەڭگەيدەگى بانكتەرگە، 5%-ى ءتۇرلى قارجىلىق ۇيىمدارعا قارىز. قازاقستان حالقىنىڭ كرەديت وتەۋگە شاماسى بولماۋىنىڭ باستى ءبىر سەبەبى – پايىزدىق ۇلەستىڭ ارتۋى مەن جىلدىق تابىس مولشەرىنىڭ ازدىعى.

نەسيە العانداردىڭ اراسىندا جىلدار بويى قارىزىن قايتارا الماي جۇرگەن تۇرعىندار كوپ. ءتىپتى، سوڭعى ۋاقىتتا ولاردىڭ قاتارى تىپتەن ارتا تۇسكەن. 2017 جىلدىڭ وزىندە پروبلەمالى كرەديتتەرى ەڭ كوپ بانك – رەسەيلىك سبەربانكتىڭ قازاقستانداعى ەنشىلەسى (13,7%) جانە اتف بانك (11%) بولعان. ال تسەسنا بانكتە بولسا قارىز پورتفەلىنىڭ ساپاسى باسقالارعا قاراعاندا (4,8%) جوعارى. ال ورتا جانە شاعىن بانكتەردىڭ پروبلەمالى كرەديتتەرى ءىرى بانكتەرگە قاراعاندا الدەقايدا از.

"The Qazaq Times"