فوتو: https://zo4gw3d1rz.a.trbcdn.net

الداعى ۋاقىتتا قازاقستاندا نەسيە بەرۋ شارتتارى وزگەرتىلمەك. بۇل تۋرالى ۇلتتىق بانك توراعاسى ەربولات دوساەۆ مالىمدەدى.

ۇكىمەت وتىرىسىندا دوساەۆ: «قارىز الۋشىنىڭ بارلىق مىندەتتەمەسى، ونىڭ تولەم قابىلەتتىگى جانە الەۋمەتتىك مارتەبەسى ەسەپكە الىناتىن بولادى. بورىشتىق جۇكتەمە كوەففيتسەنتىنىڭ شەكتى مولشەرىن ەسەپتەۋ كەزىندە وتباسىنىڭ كامەلەتتىك جاسقا تولماعان ءاربىر مۇشەسىنە تيەسىلى ەڭ تومەنگى كۇنكورىس مولشەرى شەگەرىلەتىن بولادى. بانكتەر مەن بانكتىك قىزمەت تۋرالى زاڭعا، سونداي-اق ميكروقارجىلىق ۇيىمدار تۋرالى زاڭعا 90 كۇننەن استام مەرزىمى وتكەن قارىزدارعا تۇراقسىزدىق ايىبىن، كوميسسيالاردى جانە وزگە دە تولەمدەردى ەسەپتەۋگە تىيىم ورناتۋ بويىنشا تۇزەتۋلەر ەنگىزىلەتىن بولادى. ۇلتتىق بانك اتالاعان تۇزەتۋلەردى پارلامەنتتىڭ قاراۋىنا قىركۇيەكتە ەنگىزەدى»، – دەدى.

جىل سوڭىنا دەيىن تۇتىنۋشىلىق نەسيەلەردى بەرۋ كەزىندەگى بانكتەرلىڭ مەنشىك كاپيتالىنا قويىلاتىن تالاپتار قاتاڭداتىلماق. سونىمەن قاتار، ازاماتتاردىڭ بەرەشەگىن وسىرمەۋ ماقساتىندا ونلاين نەسيە بەرۋشىلەر، نەسيەلىك سەرىكتەستەر مەن لومباردتاردى رەتتەۋگە ارنالعان ءنورماتيۆتى اكتىلەر قابىلداۋ جوسپارلانعان.

"The Qazaq Times"