قارجى نارىعىن رەتتەۋ جانە دامىتۋ اگەنتتىگى "Capital Bank Kazakhstan"اق-نىڭ بانك جانە وزگە دە وپەراتسيالاردى جۇرگىزۋگە بەرىلگەن ليتسەنزياسىنان ايىردى. ەندا اتالعان بانككە باعالى قاعازدار نارىعىنداعى قىزمەتكە تىيىم سالىنادى.
اگەنتتىك اقپاراتىنا قاراعاندا، بانك جۇمىسىن توقتاتۋعا بىرنەشە فاكتور سەبەپ بولعان. ولار: پرۋدەنتسيالدى نورماتيۆتەردى (ۇلتتىق بانك بەكىتكەن كورسەتكىشتەر) جۇيەلى تۇردە بۇزۋ، قاداعالاپ دەن قويۋ شارالارىن جۇيەلى تۇردە ورىنداماۋ، ۋاكىلەتتى ورگاننىڭ قوسىمشا كاپيتالداندىرۋ جونىندەگى تالاپتارىن ورىنداماۋ، تولەم قابىلەتى تومەن بانكتەر قاتارىنا ەنگىزىلۋى.
"ليتسەنزيادان ايىرىلاتىن كۇنى بانك اكتيۆتەرىنىڭ مولشەرى 38,5 ملرد تەڭگەنى، نەسيە پورتفەلى – 33,9 ملرد تەڭگەنى قۇرادى، ونىڭ ىشىندە 30,4 ملرد تەڭگە نەمەسە بانكتىڭ نەسيە پورتفەلىنىڭ 89,8% -ى 90 كۇننەن استام مەرزىمى وتكەن جۇمىس ىستەمەيتىن كرەديتتەرمەن ۇسىنىلعان. بانكتىڭ ءوتىمدى اكتيۆتەرىنىڭ مولشەرى 149 ملن تەڭگەنى قۇرايدى، بۇل رەتتە ورىندالماعان كليەنتتىك تولەمدەر كولەمى 15,0 ملرد تەڭگەدەن اسادى" دەلىنگەن اگەنتتىك حابارلاماسىندا.
بانك سالىمشىلارى دەپوزيتىنىڭ 99 پايىزىن "قازاقستاننىڭ دەپوزيتتەرگە كەپىلدىك بەرۋ قورى" اق تولىق وتەيدى. قازىر بانكتە ۋاقىتشا اكىمشىلىك تاعايىندالىپ، باسقارۋ سونىڭ قولىنا وتكەن.
بىلتىر قىركۇيەك ايىندا Tengri Bank تە وسىعان ۇقساس سەبەپتەرمەن ليتسەنزياسىنان ايىرىلعان ەدى
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟