فوتو: Zakon.kz

اقپارات جانە كوممۋنيكاتسيا ءمينيسترى داۋرەن اباەۆ بيلىك ترانزيتىنە قاتىستى مالىمدەمە جاسادى.

داۋرەن اباەۆ «حابار» تەلەارناسىنا بەرگەن سۇحباتىندا بيلىك ترانزيتىنە قاتىستى پىكىر ءبىلدىردى.

«بۇل تاقىرىپتى جابايىق. قازىرگى تاڭدا بيلىك ءترانزيتى جونىندە ەشقانداي ءسوز جوق. مەملەكەت باسشىسىنىڭ سوزىنە ءبىر نارسە الىپ-قوسۋ قيىن. كونستيتۋتسيالىق كەڭەسكە ءوتىنىش جاساۋ شىن مانىندە ماڭىزدى دۇنيە. دەسە دە، بۇل قاراپايىم جۇمىس پروتسەسى. بۇدان ەكىنشى ءبىر ويدى ىزدەۋدىڭ قاجەتى جوق. قازىر پرەزيدەنتتىڭ ساياسي ءومىرى ەلدىڭ ىشىندە دە، سىرتىندا دا قىزىپ تۇر. بۇعان  «جولداۋ»، «ۇكىمەتتىڭ كەڭەيتىلگەن وتىرىسىنا قاتىسۋى»، «جاستار جىلىن اشۋى» دالەل. نۇرسۇلتان نازارباەۆ بىرقاتار باستامالاردى «نۇر وتان» پارتياسىنىڭ قۇرىلتايىندا دا كوتەرەدى دەپ ويلايمىن. مەن بىلەمىن، بيلىك ءترانزيتى كەيبىر ساراپشىلار ءۇشىن تالقىلاۋ مەن ساراپتاۋعا ەڭ ىڭعايلى تاقىرىپ. جالپى، بۇل تاقىرىپتاعى تالقىلاۋلاردىڭ شىنايى ومىرمەن سايكەس كەلە بەرمەيتىن وزىندىك ەكوجۇيەسى، كۇن ءتارتىبى، قيالدارى، بولجامدارى بار» - دەپ مالىمدەدى اباەۆ.

ەستەرىڭىزگە سالايىق، وسىدان بىرنەشە كۇن بۇرىن پرەزيدەنت نازارباەۆ كونستيتۋتسيالىق كەڭەسكە اتا زاڭداعى 42 باپتىڭ 3-تارماعىن ءتۇسىندىرۋدى سۇراپ ءوتىنىش بىلدىرگەن. وسىدان كەيىن ساراپشىلار مەن جۋرناليستەر «اقوردا بيلىك تارانزيتىنە نەمەسە مەرزىمىنەن بۇرىن سايلاۋ وتكىزۋگە دايىندالىپ جاتىر» دەگەن بولجامدار ايتقان.

مەملەكەت باسشىسى ءتۇسىندىرۋدى سۇراعان 42 باپتىڭ 3-تارماعىندا: «رەسپۋبليكا پرەزيدەنتiنiڭ وكiلەتتiگi جاڭادان سايلانعان رەسپۋبليكا پرەزيدەنتi قىزمەتiنە كiرiسكەن كەزدەن باستاپ، سونداي-اق پرەزيدەنت قىزمەتiنەن مەرزiمiنەن بۇرىن بوساتىلعان نەمەسە كەتiرiلگەن نە ول قايتىس بولعان جاعدايدا توقتاتىلادى. رەسپۋبليكانىڭ بۇرىنعى پرەزيدەنتتەرiنiڭ بارلىعىنىڭ، (قىزمەتiنەن كەتiرiلگەندەردەن باسقاسىنىڭ) قازاقستان رەسپۋبليكاسىنىڭ ەكس-پرەزيدەنتi دەگەن اتاعى بولاتىنى» - ايتىلعان.

"The Qazaq Times"