ەڭبەك جانە حالىقتى الەۋمەتتىك قورعاۋ ءمينيسترى مادينا ابىلقاسىموۆا اۋىرىپ قالدى.

استانا قالاسىندا وتكەن ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى سۆەتلانا جاقىپوۆا مادينا ابىلقاسىموۆانىڭ سىرقاتتانىپ قالعاندىعىن ايتتى.

«مينيستر وتكەن اپتادىن بەرى اۋىرىپ جاتىر. ول كەشە ءوزى بارىپ، قارا جامىلعان وتباسىنا كوڭىل ايتتى. اتالمىش وتباسىنا توتەنشە جاعدايلار دەپارتامەنتىنىڭ قىزمەتكەرلەرى بۇعان دەيىن ەكى مارتە بارعان. ولار (وتباسىنىڭ – رەد) قانداي جاعدايدا ەكەندىگىن كوردى. ولار الەۋمەتتىك قورعاۋ ورگاندارىن بۇل جونىندە اقپاراتتاندىرۋلارى ءتيىس ەدى» - دەدى جاقىپوۆا.

بۇعان دەيىن ىشكى ىستەر ءمينيسترى قالمۇحانبەت قاسىموۆ استانا قالاسىنىڭ كوكتال اۋدانىدا بولعان ورتكە بايلانىستى قىلمىستىق ءىس قوزعالعانىن مالىمدەگەن.

وسى تۇستا ايتا كەتەتىن ءبىر جايت، بىلتىر الماتى قالاسىندا بولعان مانەرلەپ سىرعانۋشى دەنيس تەننىڭ ءولىمى كەزىندە ءدال وسى قالمۇحانبەت قاسىموۆاتىڭ ءوزى دە ۋاقىتىندا حالىق الىندا شىقپاعان. ول كەزدە دە ورىنباسارلارى قاسىموۆ مىرزانىڭ قىزمەتتىك ساپارمەن شەتەلگە كەتكەندىگىن ايتقان. جالپى، قازاقستاندا قانداي دا ءبىر وقيعا بولعاندا ءتيىستى ۆەدومستۆا باسشىلارىنىڭ وقيعا ورنىنا بارىپ، جاعدايمەن تانىسۋى، حالىقتى ۋاقىتىلى اقپاراتپەن قامتاماسىز ەتۋى وتە سيرەك.

"The Qazaq Times"