اقش-تاعى «شاتداۋن» ساۋىرگە دەيىن جالعاسۋى مۇمكىن

اقش-تاعى «شاتداۋن» ساۋىرگە دەيىن جالعاسۋى مۇمكىن. بۇل تۋرالى «Washington Post» باسىلىمى حابارلادى.

وسى اپتادا دەموكراتيالىق پارتيا وكىلدەرى اق ۇيگە ۇكىمەت جۇمىسىن جالعاستىرۋ تۋرالى ۇسىنىس ءبىلدىرىپ، حات جولداعان. الايدا، اقش سەناتى دەموكراتتاردىڭ بۇل ۇسىنىسىن قابىلداۋدان باس تارتتى. ەگەر قۇراما شتاتتارى مەن مەكسيكا اراسىنداعى شەكارا قابىرعاسىن تۇرعىزۋعا قارجى بولىنبەسە، ەلدەگى «شاتداۋن» ساۋىرگە دەيىن جالعاسادى.

20 قاڭتاردا اقش كونگرەسىندەگى دەموكراتتار پرەزيدەنت دونالد ترامپتىڭ فەدەرالدىق ۇكىمەت جۇمىسىن جانداندىرۋ ماسەلەسى تۋرالى ۇسىنىستارىن قابىلداۋدان باس تارتقان بولاتىن. سول سەبەپتى قوس تاراپ ورتاق كەلىسىمگە كەلە الماي، مەملەكەتتىك بيۋدجەت بەكىتىلگەن جوق.

الداعى ۋاقىتتا ترامپ دەموكراتيالىق پارتيا وكىلدەرىن اق ۇيگە شاقىرماق. كەزدەسۋ ارقىلى تاراپتار زاڭسىز كوشى-قوندى، ەسىرتكى اعىنىن توقتاتۋ جانە گۋمانيتارلىق داعدارىستى توقتاتۋ ءۇشىن شەكاراداعى مەتالل كەدەرگىنىڭ قۇرىلىسىن قولداۋدى تالقىلايدى. ال وكىلدەر پالاتاسىنىڭ سپيكەرى نەنسي پەلوسي مەن سەناتتاعى دەموكراتيا كوشباسشىسى چاك شۋمەر ترامپقا الدىمەن شاتداۋندى توقتاتىپ، قابىرعا قۇرىلىسى بويىنشا دەبات وتكىزۋ تۋرالى ۇسىنىس ءبىلدىردى.

"The Qazaq Times"