AQŞ-tağı «şatdaun» säuirge deyin jalğasuı mümkin

AQŞ-tağı «şatdaun» säuirge deyin jalğasuı mümkin. Bwl turalı «Washington Post» basılımı habarladı.

Osı aptada Demokratiyalıq partiya ökilderi Aq üyge ükimet jwmısın jalğastıru turalı wsınıs bildirip, hat joldağan. Alayda, AQŞ Senatı demokrattardıñ bwl wsınısın qabıldaudan bas tarttı. Eger Qwrama Ştattarı men Meksika arasındağı şekara qabırğasın twrğızuğa qarjı bölinbese, eldegi «şatdaun» säuirge deyin jalğasadı.

20 qañtarda AQŞ Kongresindegi demokrattar prezident Donal'd Tramptıñ federaldıq ükimet jwmısın jandandıru mäselesi turalı wsınıstarın qabıldaudan bas tartqan bolatın. Sol sebepti qos tarap ortaq kelisimge kele almay, memlekettik byudjet bekitilgen joq.

Aldağı uaqıtta Tramp demokratiyalıq partiya ökilderin Aq üyge şaqırmaq. Kezdesu arqılı taraptar zañsız köşi-qondı, esirtki ağının toqtatu jäne gumanitarlıq dağdarıstı toqtatu üşin şekaradağı metall kederginiñ qwrılısın qoldaudı talqılaydı. Al ökilder palatasınıñ spikeri Nensi Pelosi men Senattağı demokratiya köşbasşısı Çak Şumer Trampqa aldımen şatdaundı toqtatıp, qabırğa qwrılısı boyınşa debat ötkizu turalı wsınıs bildirdi.

"The Qazaq Times"