لوندونداعى ICE بيرجاسىندا جەلتوقسان ايىنا ارنالعان Brent ماركالى مۇنايدىڭ فيۋچەرس قۇنى ءۇش جىلدان بەرى العاش مارتە باررەلىنە 84,06 دوللارعا بەلگىلەندى.
سوڭعى رەت Brent ماركالى مۇنايدىڭ باعاسى 2018 جىلعى قازان ايىندا باررەلىنە 84 دوللاردان اسقان ەدى. وسىلايشا، 6 قازاندا 83 دوللارعا ۇلعايعان Brent ماركا ءباسى ارتىپ، قازان ايىنىڭ ەكىنشى دەكاداسىندا 84 دوللارعا جەتتى.
Brent ماركاسىنان بولەك قاراشا ايىنا ارنالعان WTI ماركالى مۇنايدىڭ فيۋچەرس قۇنى دا ءوسىپ، باررەلىنە 81,22 دوللاردى كورسەتتى.
ساراپشىلار گاز باعاسىنىڭ ءوسۋى مۇنايعا سۇرانىستى ارتتىرعانىنا سەنىمدى. ەۋروپادا تابيعي گازدىڭ فيۋچەر قۇنى تامىز جانە قىركۇيەك ايلارىندا ەكى ەسەگە ارتىپ، ال قازاننىڭ 6-سى تاريحي رەكورد كورسەتكىشىندە 1 مىڭ كۋب مەترى 1925 دوللارعا دەيىن جەتكەن. قازىر ەۋروپادا گاز باعاسى تومەندەپ كەلەدى، بىراق تۇتىنۋشىلاردىڭ كوبى ودان اناعۇرلىم ارزان مۇناي ونىمدەرىن قولدانا باستاعان.
وپەك+ مونيتورينگ كوميتەتىنە كىرەتىن مينيسترلەردىڭ مۇناي ءوندىرۋدى تاۋلىگىنە 400 مىڭ باررەلگە ارتتىرۋ جونىندەگى جوسپارىن ارى قاراي جالعاستىرۋ جونىندەگى شەشىمىنەن كەيىن مۇناي باعاسى وسە باستادى.
وسى ايدىڭ باسىنداعى ەنەرگەتيكا مينيسترلىگىنىڭ رەسمي مالىمەتىنشە، وپەك+ اياسىندا قازاقستان بەلگىلەنگەن كۆوتا نەگىزىندە قازان ايىندا تاۋلىگىنە 1,524 ملن، قاراشادا كۇنىنە 1,540 ملن باررەل وندىرە الادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟