2018 جىلى قازاقستاندا ينفلياتسيا 5,3 پايىزدى قۇرادى. 

ۇلتتىق ەكونوميكا مينيسترلىگىنىڭ مالىمەتىنشە، 2018 جىلى ازىق-تۇلىك تاۋارلارى 5,1%، اقىلى قىزمەت تۇرلەرى 4,5%، ازىق-تۇلىكتىك ەمەس تاۋارلار 6,4% قىمباتتاعان.

اتاپ ايتقاندا 2018 جىلدىڭ جەلتوقسان ايىندا 2017 جىلمەن سالىستىرعاندا قىرىققابات – 31%، قانت – 20,9%، كەپتىرىلگەن سىر – 11,9%، تاۋىق ەتى – 10,4%، جىلقى ەتى – 9,6%، ءسۇت – 7,8%، كۇنباعىس مايى – 7,4%-عا قىمباتتاعان.

ازىق-تۇلىكتىك ەمەس تاۋارلار اراسىندا اۆتوكولىك باعاسى – 8,5%، قۇرىلىس زاتتارى – 8,1%، فارماتسەۆتيكالىق ونىمدەر مەن كيىم-كەشەك، اياق كيىم جانە تۇرمىستىق تەحنيكا – 7,8%، ديزەل وتىنى – 29,6%-عا وسكەن.

كوممۋنالدى قىزمەت تۇرلەرى اراسىندا كارىز قىزمەتى – 3,1%، سۋىق سۋ – 3%، گاز – 2,7%، جىلۋ – 2,6%، ىستىق سۋ – 2,2%، ەلەكتر ەنەرگياسى – 1,1%-عا قىمباتتاعان.

وسى تۇتسا ايتا كەتەتىن ءبىر جايت، وسىدان ءبىراز ۋاقىت بۇرىن پرەزيدەنت نازارباەۆ قاۋىپسىزدىك كەڭەسىنىڭ وتىرىسىندا ۇكىمەت مۇشەلەرىنە كوممۋنالدى تاريف باعاسىن ارزانداتۋ قاجەتتىگىن ايتىپ تاپسىرما بەرگەن. وسىدان كەيىن پرەمەر-مينيستردەن باستاپ، وبلىس اكىمدەرىنە دەيىن پرەزيدەنت تاپسىرماسىن ورىنداۋعا ۋادە بەرىپ، ءداستۇر بويىنشا ءبىر اۋىزدان «باس شۇلعۋ» ءراسىمىن جاساعان.

"The Qazaq Times"