برازيليانىڭ ريو-دە-جانەيرو قالاسىندا 200 جىلدىق تاريحى بار ۇلتتىق مۋزەي ورتكە وراندى. برازيليا مادەنيەتىن جاھانعا تانىتقان مۋزەيدە وزگە دە مەملەكەتتەرگە تيەسىلى سان عاسىرلىق تاريحى بار مىڭداعان قۇندى جادىگەرلەر ساقتالىنعان.
«The Telegraph» تىلشىلەرىنىڭ مالىمەتىنشە، توزىعى جەتكەن كونە عيمارات ءبىرشاما ۋاقىت بويى اپاتتى جاعدايدا تۇرعان. ءتيىستى جوندەۋ جۇمىستارىنىڭ دەر كەزىندە جاسالماۋى سالدارىنان الەمدىك دەڭگەيدە مويىندالعان مۇراجاي تولىعىمەن جانىپ كەتكەن. ورتەنگەن مۇراجاي ىشىندە جيىرما ميلليونعا جۋىق ەكسپوناتتار، ارحەولوگيالىق مۇرالار، ەڭ كونە دينوزاۆورلار مەن ەجەلگى ادامدار قاڭقاسى، وڭتۇستىك امەريكا مەن مىسىر مۋميالارى جانە وزگە دە جادىگەرلەر بولعان.
ەل باسشىلىعىنا 2016 جىلى ميشەل تەمەر سايلانعاننان كەيىن مۇراجايداعى جادىگەرلەردى ساقتاۋعا، قۇرىلىس جۇمىستارىن جۇرگىزۋگە بولىنەتىن بيۋدجەت قورى كۇرت قىسقارتىلعان. قازىرگى ۋاقىتتا وكىمەت باسشىسى شىعىننىڭ ناقتى كولەمىن ەسەپتەۋ مۇمكىن ەمەس ەكەنىن ايتتى. ءتىلسىز جاۋدان جاپا شەككەندەر جوق. بىراق، بۇل جاعدايدان كەيىن برازيليا مەملەكەتى قارجىلىق جاعىنان جاپا شەگەرى ءمالىم.
الەم كوز تىككەن تاريحي ماڭىزى بار ورتالىق جۇمىسىنىڭ كۇللى كوككە ۇشتى. ءحىح عاسىردا بوي كوتەرگەن مۇراجايدان ايىرىلعان كۇندى برازيليالىق جۋرناليستەر «ۇلتتىق مادەني تراگەديا كۇنى» دەپ اتاعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟