فوتو: Sputnik كىرگىزستان

قىرعىزستان پرەزيدەنتى سوورونباي جەەنبەكوۆ ءباسپاسوز ءماسليحاتىن وتكىزدى.

بۇگىن بىشكەك قالاسىندا سوورونباي جەەنبەكوۆ قىرعىزستان پرەزيدەنتى رەتىندە ءوزىنىڭ العاشقى ءباسپاسوز ءماسليحاتىن وتكىزدى. وندا ول وتباسىلىق-كلاندىق باسقارۋ جۇيەسىنە قاتىستى پىكىر ءبىلدىردى.

"مەن ەگەمەندى قىرعىزستاننىڭ تاريحىن جاقسى بىلەمىن. بۇل تاريح مەنىڭ كوز الدىمدا وتكەن. وسىنى كورىپ تۇرىپ مەن كلاندىق باسقارۋ جۇيەسىنە قالاي جول بەرەمىن. مەن وعان جول بەرمەيمىن... قازىرگى ءبىزدىڭ كۇشتى ازاماتتىق قوعامدا وتباسىلىق-كلاندىق باسقارۋ جۇيەسىنە جول بەرىلمەيدى. مەن تۇرعاندا، سىزدەر تۇرعاندا وتباسىلىق باسقارۋ، كلاندىق باسقارۋ جانە ءبىر توپتىڭ ۇستەمدىگى ەشقاشان بولمايدى" - دەپ مالىمدەدى جەەنبەكوۆ.

"The Qazaq Times"