ماس كۇيدە نەمەسە ەس-اقىلىنان ايىراتىن زاتتاردى قولدانعان كولىك جۇرگىزۋشىلەرىنە قاتىستى جاۋاپكەرشىلىك كۇشەيىپ، جازا قاتايعانىمەن، – جول بويىندا بولاتىن قىلمىستىق وقيعالاردىڭ سانى ازايماي تۇر. بۇل تۋرالى باس پروكۋراتۋرا QT رەداكتسياسىنىڭ سۇراۋىنا جولداعان جاۋابىندا حابارلاندى.
قازاقستاننىڭ باس پروكۋراتۋراسى جاۋاپكەرشىلىك قاتايعانىمەن ناتيجە بەرمەگەنىن ايتادى.
«الايدا جاڭا جەكە قىلمىستىق باپ ەنگىزىلگەنمەن، ماس كۇيدە جاسالعان جول-كولىك قىلمىستارىنىڭ سانى ازايعان جوق. ستاتيستيكاعا سۇيەنسەك، بيىل 9 ايدا (2021 جىلعى قاڭتار-قىركۇيەك ايلارى ارالىعىندا – QT) بۇل قىلمىس 12,4%-عا، 201-دەن 226-عا دەيىن ءوسىپ وتىر»، – دەلىنگەن پروكۋراتۋرا ورگانىنىڭ ورتالىق اپپاراتى جولداعان جاۋاپتا.
2019 جىلدىڭ سوڭىنا قاراي قىلمىستىق كودەكستىڭ 345-1-بابىنا, كولىكتى ماساڭ كۇيدە نەمەسە الكوگول جانە ەسىرتكى قولدانىپ جۇرگىزەتىندەرگە جازانى قاتاڭداتۋ تۋرالى زاڭ كۇشىنە ەنگەن ەدى.
زاڭداعى وزگەرىسكە سايكەس، كولىك قۇرالىن باسقارۋعا قۇقىلى جۇرگىزۋشى «الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە» الدەكىمنىڭ دەنساۋلىعىنا ءتۇرلى دەڭگەيدە زيان كەلتىرگەن جاعدايدا لاۋازىمىنان 10 جىلعا دەيىنگى مەرزىمگە شەتتەتە وتىرىپ، قوسىمشا 1000-3000 اەك ايىپپۇل سالۋ، 400-1200 ساعاتقا قوعامدىق جۇمىسقا تارتۋ، ءبىر يا ءۇش جىلعا دەيىن باس بوستاندىعىن ايىرۋ نەمەسە شەكتەۋ جازالارىنىڭ ءبىرى تاعايىندالادى. ەگەر ءبىر نەمەسە ودان كوپ ادام قايتىس بولسا، 10 جىلدان ءومىر بويىنا دەيىنگى ۋاقىتقا جۇرگىزۋشى كۋالىگىنەن ايىرا وتىرىپ، 7 يا 10 جىلعا دەيىن باس بوستاندىعىن شەكتەۋگە نە ايىرۋعا جازالانادى.
زاڭ قاتايماس بۇرىن، 2020 جىلعا دەيىن وسى تاقىلەتتەس جاعدايدا ەگەر ادام دەنساۋلىعىنا اۋىر زيان كەلتەرسە، 3 مىڭ اەك ايىپپۇل، 5 جىلعا دەيىن باس بوستاندىعىن شەكتەۋ، 6 جىلعا دەيىن بەلگىلى لاۋازىمدى اتقارۋ جانە قانداي دا ءبىر قىزمەتپەن اينالىسۋ قۇقىعى شەكتەۋ، ال ءولىم جاعدايى ورى العاندا 5-7 جىلعا دەيىن بوستاندىعىن شەكتەۋ، 7 جىلعا دەيىن بەلگىلى لاۋازىمدى اتقارۋ جانە قانداي دا ءبىر قىزمەتپەن اينالىسۋ قۇقىعى شەكتەۋ جازاسى قولدانىلىپ كەلگەن.
رەسمي ەسەپكە قاراعاندا، قازاقستاندا جىل سايىن 30 مىڭنان اسا ماس كۇيدە كولىك جۇرگىزۋ دەرەكتەرى تىركەلەدى. سونداي-اق، جول-كولىك وقيعالارى سالدارىنان ورتاشا ەسەپپەن ەكى مىڭداي ادام قايتىس بولادى، ونىڭ 90%-ى جۇرگىزۋشىلەردىڭ كىناسىنەن بولادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟