ورتالىق ازيا ەلدەرى ءسىم مەن ەۋرووداق وكىلى فەدەريكا موگەريني.

ەۋروپالىق وداق ورتالىق ازيامەن ىنتىماقتاستىقتى كەڭەيتۋگە مۇددەلى. وسىلاي دەپ ەۋرووداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى فەدەريكا موگەريني حابارلادى.

«ءبىزدىڭ كەزدەسۋ ۇلكەن ماعىزعا يە. وتكەن اپتادا ەۋرووداقتىڭ سىرتقى ىستەر مينيسترلەرى ورتالىق ازيامەن قارىم-قاتىناستا جاڭا ءپوزيتيۆتى ديناميكانى اتاپ ءوتىپ، جاڭا مۇمكىندىكتەر اشىلىپ جاتقانىن ايتتى. ءبىز وزبەكستانعا ارىپتەستىك پەن ىنتىماقتاستىقتى كەڭەيتۋ جونىندە ۇسىنىس بىلدىردىك. ءدال وسىنداي كەلىسسوز قازاقستان جانە قىرعىزستانمەن ءجۇرىپ جاتىر. تاجىكستان مۇنداي كەلىسسوزگە دايىن ەكەنىن جەتكىزدى»، – دەدى موگەريني.

بۇدان بولەك موگەرينيدىڭ سوزىنشە، تاراپتار ورتالىق ازياداعى بەس مەملەكەتتە ەۋروپالىق وداقتىڭ ارنايى وكىلدىكتەرىن اشۋ جونىندە كەلىسىمگە كەلگەن.

ەستەرىڭىزگە سالايىق، قاراشا ايىنىڭ 25-ءى كۇنى بريۋسسەل قالاسىندا ورتالىق ازيا ەلدەرىنىڭ سىرتقى ىستەر مينيسترلەرى مەن ەۋرووداق سىرتقى ىستەر جانە قاۋىپسىزدىك ساياساتى جونىندەگى رەسمي وكىلى فەدەريكا موگەرينيمەن كەزدەسكەن. كەزدەسۋ بارىسىندا تاراپتار قاۋىپسىزدىك، ينتەگراتسيا جانە ايماققا ينۆەستيتسيا تارتۋ جونىندە كەلىسسوزدەر جۇرگىزگەن.

"The Qazaq Times"