Орталық Азия елдері СІМ мен Еуроодақ өкілі Федерика Могерини.

Еуропалық одақ Орталық Азиямен ынтымақтастықты кеңейтуге мүдделі. Осылай деп Еуроодақтың сыртқы істер және қауіпсіздік саясаты жөніндегі Жоғарғы өкілі Федерика Могерини хабарлады.

«Біздің кездесу үлкен мағызға ие. Өткен аптада Еуроодақтың сыртқы істер министрлері Орталық Азиямен қарым-қатынаста жаңа позитивті динамиканы атап өтіп, жаңа мүмкіндіктер ашылып жатқанын айтты. Біз Өзбекстанға әріптестік пен ынтымақтастықты кеңейту жөнінде ұсыныс білдірдік. Дәл осындай келіссөз Қазақстан және Қырғызстанмен жүріп жатыр. Тәжікстан мұндай келіссөзге дайын екенін жеткізді», – деді Могерини.

Бұдан бөлек Могеринидің сөзінше, тараптар Орталық Азиядағы бес мемлекетте Еуропалық одақтың арнайы өкілдіктерін ашу жөнінде келісімге келген.

Естеріңізге салайық, қараша айының 25-і күні Брюссель қаласында Орталық Азия елдерінің сыртқы істер министрлері мен Еуроодақ сыртқы істер және қауіпсіздік саясаты жөніндегі ресми өкілі Федерика Могеринимен кездескен. Кездесу барысында тараптар қауіпсіздік, интеграция және аймаққа инвестиция тарту жөнінде келіссөздер жүргізген.

"The Qazaq Times"