قازاقستان رەسپۋبليكاسىنىڭ پرەزيدەنتى
قاسىم-جومارت توقاەۆ مىرزاعا
قازاقستان رەسپۋبليكاسىنىڭ پرەمەر-ءمينيسترى
ءاليحان سمايلوۆ مىرزاعا
اقپارات جانە قوعامدىق دامۋ ءمينيسترى
اسقار ۋماروۆ مىرزاعا
قازىر قوعامدا توتەنشە جاعدايلاردان، قانتوگىستى وقيعالاردان كەيىن ءبىزدىڭ قۇقىق قورعاۋ ورىندارىنىڭ كوپ جاعدايدا اسىرا سىلتەۋگە، تەك ايىپتاۋ مەن جازالاۋعا بارىپ جاتقانى ءجيى ايتىلىپ جاتىر.
ال مۇنىڭ قوعامدا، حالىقارالىق دەڭگەيدە تەرىس پىكىر تۋعىزاتىنىن، حالىقتىڭ نارازىلىعىن قايتادان ورشىتەتىنىن، ءتىپتى حالىق پەن كۇشتىك قۇرلىمداردىڭ اراسىنا جىك سالاتىنىن ەسكەرە بەرمەيتىنى وكىنىشتى.
بۇقارالىق اقپارات قۇرالدارى تۋرالى زاڭدا كورسەتىلگەنىندەي، جۋرناليست كۋالىگىن، ايىرىم بەلگىسىن كورسەتۋ ارقىلى دۇلەي ءزىلزالالار اۋدانىندا، بەيبىت جينالىستاردا، سونداي-اق قوعامدىق، توپتىق جانە جەكە مۇددەلەردى ءبىلدىرۋدىڭ وزگە دە نىساندارى كەزىندە بولۋعا قۇقىلى. ەلىمىزدىڭ ءارتۇرلى ايماقتارىندا بولعان، مىڭداعان ادامدار قاتىسقان جيىنداردان، ميتينگىلەرەن اقپارات تاراتقان، كاسىبي مىندەتتەرىن اتقارعان جۋرناليستەر مەن بلوگەرلەر زاڭمەن قورعالۋى ءتيىس. جۋرناليستەردىڭ زاڭدى كاسىپتىك قىزمەتىنە كەدەرگى جاساۋ قر زاڭدارىندا بەلگىلەنگەن جاۋاپتىلىققا اكەپ سوعاتىنىن بىلە تۇرا، پوليتسيا، پروكۋراتۋرا قىزمەتكەرلەرى جۋرناليستەردىڭ جۇمىسىنا كەدەرگى كەلتىرۋگە، ءوزىنىڭ ازاماتتىق كوزقاراسىن اشىق ايتقانى ءۇشىن قۋدالاۋعا ۇشىراتۋى بۇرىننان جالعاسىپ كەلە جاتىر. «ەستيتىن مەملەكەت» قاعيداسىنا ساي وسى كەرەعارلىقا توسقاۋىل قويىلسا. ەسكىدەن قالعان بۇل ادەتتى توقتاتپايىنشا، شىنايى ءسوز بوستاندىعىنا، دەموكراتياعا جول اشىلمايدى.
وسى رەتتە الماتىدا جانە كوپ قالالاردا بولعان بەيبىت شەرۋلەرگە جەكە ازاماتتىق ۇستانىمىن كورسەتىپ قاتىسقان جانە دە شەرۋلەر بارىسىنان حابار تاراتىپ، ءوزىنىڭ كاسىبي قىزمەتىن ىستەگەن جۋرناليستەر اراسىندا قاماۋعا الىنعان ارىپتەستەرىمىز تۋرالى ايماقتاردان حابارلار كەلىپ جاتىر. بۇل – جۋرناليستەر قاۋىمىن الاڭداتىپ وتىر.
ەلىمىزدە بولعان وقيعالار كەزىندە ءوزىنىڭ كاسىبي قىزمەتى بارىسىندا جانە جەكە ازاماتتىق كوزقاراسىن بەيبىت ءبىلدىرۋ كەزىندە ۇستالعان جۋرناليستەرگە قاتىستى ىستەردىڭ ءادىل تەرگەلۋىن سۇرايمىز!
ەگەر قاماۋ الىنعان جۋرناليستەرگە قانداي دا ءبىر ايىپ تاعىلماعان بولسا، ۇستاۋ مەرزىمى 48 ساعاتتان اسسا، ولاردىڭ دەرەۋ بوساتىلۋىن تالاپ ەتەمىز!
ەلدە بولعان وقيعالار كەزىندە ۇستالعان جۋرناليستەر تاعدىرىنا ۋاكىلەتتى ورگان – اقپارات جانە قوعامدىق دامۋ مينيسترلىگىنىڭ اراشا ءتۇسۋىن جانە ولارعا قاتىستى قوزعالعان ىستەردىڭ ءادىل ءارى اشىق بولۋىن نازارىندا ۇستاۋىن وتىنەمىز!
بارشا ارىپتەستەر مەن باق-تى وقيعالار كەزىندە ۇستالعان ارىپتەستەرىمىزدى قولداۋعا شاقىرامىز!
“قازاق مەديا اسسوساتسياسى” زاڭدى تۇلعالار بىرلەستىگى
بىرلەستىك قۇرامىنا ەنەتىن باق قۇرالدارى:
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟