ەردوعان: تۇركيادا حاشوگگي ولىمىنە قاتىستى تىڭ ايعاقتار مەن دالەلدەر بار

تۇركيا پرەزيدەنتى رەجەپ تايىپ ەردوعان ساۋد ارابياسىنا جامال حاشوگگيدىڭ دەنەسى قايدا ەكەنىن ايتۋدى جانە ءجۋرناليستى ولتىرگەندەردى تەز ارادا تاۋىپ، ءادىل شەشىم شىعارۋدى تالاپ ەتتى. بۇل تۋرالى The New York Times حابارلادى.

پارلامەنت وتىرىسىندا ءسوز سويلەگەن ەردوعان «ەر-رياد جاسىرىپ قالۋعا تىرىسقانمەن، تۇركيادا حاشوگگيدىڭ كونسۋلدىقتا ولتىرىلگەنىنە قاتىستى وزگە دە تىڭ «مالىمەتتەر مەن ايعاقتار بار» ەكەنىن ەسكەرتتى. سونىمەن قاتار، ول الداعى ۋاقىتتا ستامبۋلدا ساۋد ارابياسىنىڭ پروكۋرورى مەن قالا پروكۋرورىنىڭ كەزدەسەتىنىن ايتتى. وسىعان دەيىن ساۋد ارابياسىنىڭ پروكۋرورى ەر-رياد ۇسىنعان مالىمدەمەلەردىڭ بارلىعىن جوققا شىعارىپ، Washington Post ءتىلشىسى ج.حاشوگگيدى كونسۋلدىقتا ءولتىرۋدىڭ الدىن الا جوسپارلانعانىن ايتقان بولاتىن.

بۇگىندە «حاشوگگي ءىسى» الەم دۇرلىككەن وقيعاعا اينالدى. سەبەبى، ول ءبىراز ۋاقىت كولەمىندە كورول سالماننىڭ «استىرتىن ارەكەتتەرى» مەن ەلدەگى ادىلەتسىزدىكتەر جايلى جازعان. ءتىلشى ولىمىنەن  سوڭ، گەرمانيا ساۋد ارابياسىنا قارۋ-جاراق ەسكسپورتىن ۋاقىتشا توقتاتتى. HSBC, Credit Suisse, MasterCard, Ford, Uber, Google سىندى ءىرى كومپانيالاردىڭ باسشىلارى ەر-ريادتاعى كونفەرەنتسياعا قاتىسۋدان باس تارتتى. Goldman Sachs ينۆەستيتسيالىق بانكى فورۋمعا بويكوت جاريالادى. ال «New York Times»، «Bloomberg» جانە CNN مەدياگرۋپپالرى ءوز جۋرناليستەرىن حابار تاراتۋعا جىبەرمەيتىن بولدى.

ايتا كەتەر بولساق، 2 قازان كۇنى باق بەتتەرىندە «The Washington Post» باسىلىمىنىڭ ءجۋرناليسى ستامبۇل قالاسىنداعى ساۋد ارابيا كونسۋلدىعىنا كىرىپ، كەرى شىقپادى» دەگەن اقپارات تاراعان. كەيىننەن تۇركيا پوليتسياسى جامال حاشوگگيدىڭ ولىمىنە قاتىسى بار دەگەن كۇدىكپەن 18 ادامدى قاماۋعا الىپ، ەل پرەزيدەنتى رەجەپ تايىپ ەردوعان ساۋد ارابيا كورولدىگىنەن كونسۋلدىق عيماراتىنداعى بەينەكامەرا جازبالارىن جاريالاۋدى تالاپ ەتكەن.

"The Qazaq Times"