Erdoğan: Türkiyada Haşoggi ölimine qatıstı tıñ ayğaqtar men dälelder bar

Türkiya prezidenti Rejep Tayıp Erdoğan Saud Arabiyasına Jamal Haşoggidiñ denesi qayda ekenin aytudı jäne jurnalisti öltirgenderdi tez arada tauıp, ädil şeşim şığarudı talap etti. Bwl turalı The New York Times habarladı.

Parlament otırısında söz söylegen Erdoğan «Er-Riyad jasırıp qaluğa tırısqanmen, Türkiyada Haşoggidiñ konsuldıqta öltirilgenine qatıstı özge de tıñ «mälimetter men ayğaqtar bar» ekenin eskertti. Sonımen qatar, ol aldağı uaqıtta Stambulda Saud Arabiyasınıñ prokurorı men qala prokurorınıñ kezdesetinin ayttı. Osığan deyin Saud Arabiyasınıñ prokurorı Er-Riyad wsınğan mälimdemelerdiñ barlığın joqqa şığarıp, Washington Post tilşisi J.Haşoggidi konsuldıqta öltirudiñ aldın ala josparlanğanın aytqan bolatın.

Büginde «Haşoggi isi» älem dürlikken oqiğağa aynaldı. Sebebi, ol biraz uaqıt köleminde korol' Salmannıñ «astırtın äreketteri» men eldegi ädiletsizdikter jaylı jazğan. Tilşi öliminen  soñ, Germaniya Saud Arabiyasına qaru-jaraq esksportın uaqıtşa toqtattı. HSBC, Credit Suisse, MasterCard, Ford, Uber, Google sındı iri kompaniyalardıñ basşıları Er-Riyadtağı konferenciyağa qatısudan bas tarttı. Goldman Sachs investiciyalıq banki forumğa boykot jariyaladı. Al «New York Times», «Bloomberg» jäne CNN mediagruppalrı öz jurnalisterin habar taratuğa jibermeytin boldı.

Ayta keter bolsaq, 2 qazan küni BAQ betterinde «The Washington Post» basılımınıñ jurnalisi Stambwl qalasındağı Saud Arabiya konsuldığına kirip, keri şıqpadı» degen aqparat tarağan. Keyinnen Türkiya policiyası Jamal Haşoggidiñ ölimine qatısı bar degen küdikpen 18 adamdı qamauğa alıp, el prezidenti Rejep Tayıp Erdoğan Saud Arabiya korol'diginen konsuldıq ğimaratındağı beynekamera jazbaların jariyalaudı talap etken.

"The Qazaq Times"