اقش جۋرناليست جامال حاشوگگيدىڭ ولىمىنە بايلانىستى باياندامالىق قۇجاتتى جاريالاماق. بولجام بويىنشا، «ءجۋرناليستى ولتىرۋگە بۇيرىق بەرگەندەردىڭ» قاتارىندا ءبىرىنشى بوپ ساۋد ارابياسىنىڭ مۇراگەر حانزاداسى مۇحاممەد بين سالماننىڭ ەسىمى اتالادى.
بيلىكتىڭ قۋدالاۋىنان كەيىن ەلىنەن كەتكەن جامال حاشوگگي 2018 جىلى قازاندا ستامبۋلداعى ساۋد ارابياسى كونسۋلدىعىنىڭ عيماراتىندا ءولى كۇيىندە تابىلدى.
الدىمەن ساۋديالىق تاراپ جۋرناليست كونسۋلدىق عيماراتىنان امان-ەسەن كەتكەنىن ايتتى. كەيىننەن جۋرناليست ءولىمىنىڭ ءارتۇرلى نۇسقالارىن ۇسىندى. حالىقارالىق زەرتتەۋشىلەر توبىنىڭ تالابىنان كەيىن ساۋد ارابياسى ونىڭ «كونسۋلدىق قىزمەتكەرىمەن توبەلەس كەزىندە بايقاۋسىزدا» ولتىرىلگەنىن مويىندادى. وقيعادان بىرنەشە اپتا وتكەن سوڭ، ەلدىڭ پروكۋراتۋراسى كىسى ءولتىرۋ قاساقانا بولدى دەگەن مالىمدەمە جاسادى.
2019 جىلدىڭ جەلتوقسانىندا ساۋد ارابياسى سوتى حاشوگگيدى ءولتىردى دەپ ايىپتالعان بەس ادامدى ءولىم جازاسىنا كەسىپ، تاعى ءۇش ادامدى ۇزاق مەرزىمگە باس بوستاندىعىنان ايىردى. الايدا، 2020 جىلدىڭ قىركۇيەگىندە ءولىم جازاسىنا كەسىلگەندەردىڭ جازاسى جەڭىلدەتىلىپ، 20 جىلعا باس بوستاندىعىنان ايىرىلدى. تۇركيالىق تەرگەۋ توبى جامال حاشوگگيدىڭ ايۋاندىقپەن، ارنايى تاپسىرىسپەن ولتىرىلگەنىن ايتتى.
وسى اپتادا جاريالاناتىن باياندامادا ساۋد ارابياسىنىڭ مۇراگەر حانزاداسى مۇحاممەد بين سالماننىڭ حاشوگگيدى ولتىرۋگە تاپسىرىس بەرگەنى جاريالانادى دەگەن مالىمەتتەر بار. زەرتتەۋگە نەگىزدەلگەن قۇجاتتاعى دەرەكتەر اقش ورتالىق باسقارۋ باسقارماسىنان الىنعان.
35 جاستاعى مۇحاممەد بين سالمان ساۋد ارابياسىنىڭ بيلەۋشىسى. ونىڭ اكەسى، كورول سالمان 86 جاستا جانە ءوزىنىڭ ۇلكەن ۇلىنا بيلىكتىڭ نەگىزگى بولىگىن ۇزاق مەرزىمگە تاپسىرعان.
2019 جىلى ساۋد ارابياسىنىڭ ارنايى قىزمەتتەرى حاشوگگيدى ءولتىرۋ وپەراتسياسىنا قاتىسقاندىعى بەلگىلى بولعان كەزدە، حانزادا ساۋد ارابياسىنىڭ باسشىسى رەتىندە ءجۋرناليستىڭ ءولىمى ءۇشىن تولىق جاۋاپكەرشىلىكتى سەزىنەتىنىن ايتقان. كوپتەگەن ساراپشىلار تاپسىرىسپەن ولتىرىلگەن جۋرناليست حاشوگگي شىندىقتى ءجيى جازعاندىقتان مۇراگەر حانزادىنىڭ «جاۋى» بولعانىن ايتادى. بۇل وقيعادان كەيىن مۇحاممەد بين سالماننىڭ حالىقارالىق ارەناداعى دارەجەسى نۇقسان كەلدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى