الماتىدا پوليتسيا قىزمەتكەرى ارىپتەسىن اتىپ تاستادى.

ءىىم ءباسپاسوز حاتشىسى الماس سادۋباەۆتىڭ سوزىنشە، قىركۇيەك ايىنىڭ 26-ى كۇنى جەرگىلىكتى پوليتسيا قىزمەتىنىڭ ينسپەكتورى ارىپتەسىنە وق اتىپ جارالاعان. قازىرگى تاڭدا زارداپ شەككەن پوليتسەي اۋرۋحانادا جاتىر. وقيعانىڭ ءمان-جايىن انىقتاۋ جۇمىستارى جۇرگىزىلىپ جاتىر.

جالپى، ەلىمىزدە پوليتسيا قىزمەتكەرلەرىنىڭ ءبىر-بىرىنە قارۋ جۇمساۋ وقيعالارى سوڭعى ۋاقىتتارى جيىلەگەن. بۇعان دەيىن 6 كىركۇيەك كۇنى باتىس قازاقستان وبلىسىنىڭ اقجايىق اۋدانىندا مامانداندىرىلعان كۇزەت قىزمەتىنىڭ 32 جاستاعى ۆزۆود كومانديرىن جۇمىس ورنىندا اتىپ ءولتىرىپ كەتكەن. اتالمىش ءىس بويىنشا كۇدىكتى رەتىندە 24 جاستاعى كۇزەت قىزمەتىنىڭ سەرجانتى ۇستالعان.

بيىل ءىىم ماڭايىنان داۋ ارىلماي تۇر. ەستەرىڭىزدە بولسا، تامىز ايىنىڭ 19-ى كۇنى مانەرلەپ سىرعاناۋشى دەنيس تەننىڭ ولىمىنەن كەيىن، ازاماتتىق بەلسەندىلەر مەن جۋرناليستەر ءىىم قالمۇحانبەت قاسىموۆتىڭ وتستاۆكاعا كەتۋىن تالاپ ەتكەن. بىراق قاسىموۆ مىرزا حالىق تالابىنا ءوزىنىڭ اسكەري قىزمەتكەر ەكەندىگىن ايتىپ، پرەزيدەنت مەن ۇكىمەت قانداي شەشىم شىعارادى سونى عانا ورىندايتىنىن مالىمدەگەن.

"The Qazaq Times"