قر سىرتقى ىستەر ءمينيسترى قايرات ءابدىراحمانوۆ ەتنيكالىق قازاقتاردىڭ ماسەلەسى جايلى باياندادى.

بۇگىندە 700 ەتنيكالىق قازاقتىڭ قىتايدان كەلۋىنە قۇقىعى جوق.

«قازىر شىڭجاڭ ۇيعىر اۆتونوميالىق اۋدانىنىڭ بيلىگى 675 ەتنيكالىق قازاقتىڭ قازاقستانعا كەلۋىنە رۇقسات بەرۋ ماسەلەسىن قاراپ جاتىر. بۇگىن، 7 تامىزدا، قوس ازاماتتىعى بار 19 ازاماتتىڭ 15-ىنە سالىنعان ۋاقىتشا تىيىم الىندى»، – دەيدى ءابدىراحمانوۆ.

ءمينيستردىڭ ايتۋىنشا، ماسەلە تولىق شەشىلگەن جوق. الايدا قازاقستان تاراپىنان بارلىق جاعداي جاسالىپ جاتىر.

«بەيجىڭ مەن ۇرىمجىدە، الماتىداعى قىتايدىڭ باس ەلشىلىگىندە رەسمي كەزدەسۋلەر وتكىزىپ جاتىرمىز. ماسەلە 24 ساعات بويى قارالىپ جاتىر. مەملەكەت باسشىسى بۇل ماسەلەنى نازاردا ۇستاپ قانا قويماي، شەشىمىن تابۋ كەرەكتىگىن تاپسىرعان بولاتىن»، – دەدى مينيستر.

مينيستر قازاقستان ازاماتتىعىن العان ەتنيكالىق قازاقتاردىڭ قىتايدا جيناعان زەينەتاقىسىن الا الماۋ ماسەلەلەسى دە بار ەكەنىن اتادى. بۇل جونىندە دە جۇمىس جۇرگىزىلىپ جاتقانىن جەتكىزدى.

ەستەرىڭىزگە سالايىق، تامىز ايىنىڭ 1-ءى كۇنى پانفيلوۆ اۋداندىق سوتى «قازاقستان شەكاراسىن زاڭسىز كەسىپ ءوتتى» دەگەن ايىپ تاعىلعان قىتاي ازاماتى، ەتنيكالىق قازاق سايراگۇل ساۋىتبايدى سوت زالىنان بوساتقان. بۇل قوعامدا قىزۋ تالقىلانىپ، ازاماتتىق بەلسەندەلەر، جۋرناليستەر مەن ساياساتكەرلەر قازاقستان سوتىنىڭ بۇل شەشىمىنە وڭ باعا بەرگەن.

قىتايداعى ەتنيكالىق قازاقتاردىڭ قىسىم كورىپ جاتقاندىعى جونىندە باق بەتتەرىندە 2017 جىلدىڭ ءساۋىر ايىنان باستاپ ايتىلا باستاعان. ءدال وسى جىلى استانا قالاسىندا وتكەن دۇنيەجۇزى قازاقتارىنىڭ بەسىنشى رەتتىك قۇرىلتايىندا گەرمانيالىق قازاق ءومىرحان التىن پرەزيدەنت نۇرسۇلتان نازارباەۆقا قىتايداعى ەتنيكالىق قازاقتاردىڭ جەرگىلىكتى بيلىك تاراپىنان قىسىم كورىپ جاتقاندىعى جونىندە ايتقان.

 “The Qazaq Times”