باتكەن وبلىسىندا 25 شىلدەدە 40-قا جۋىق جول جوندەۋشى ەرەۋىلگە شىقتى. بۇل جونىندە اكتسياعا قاتىسۋشىلاردىڭ ءبىرى الىبەك پازىلوۆ حابارلادى.

ونىڭ سوزىنشە، ەرەۋىلگە شىققاندار بىرنەشە ايدان بەرى الا الماي جۇرگەن ايلىقتارىن تالاپ ەتكەن. ء“تورت ايدان بەرى ەڭبەكاقى بەرمەدى. ءبىزدى الداپ، ۋاقىت سوزىپ كەلەدى. جۇمىس توقتاپ تۇر. بۇل جولى مينيستر 25 شىلدەدە بەرىلەدى دەپ ۋادە بەرىپ كەتكەن”، - دەيدى پازىلوۆ.

قىرعىزستاننىڭ جول جانە كولىك مينيسترلىگى جاقىن ۋاقىتتا ماسەلەنىڭ شەشىلەتىنىن، قۇرىلىس كومپانياسىنا اقشا بولىنەتىنىن جەتكىزدى.

كولىك مينيسترلىگىنىڭ اقپاراتى بويىنشا، وش-باتكەن-يسفان جولدارىن جوندەۋگە يسلام دامۋ بانكى اقشا بولۋگە ۋادە بەرگەن. بۇل ماقساتتا 21 ملن دوللار ءبولۋ كەرەك. بىلتىر كولىك مينيسترلىگى مەن ازەربايجاننىڭ «الكە ينشاات ساناي ۆە تيجارەت» كومپانياسى اراسىندا قۇرىلىس جۇمىستارىن ورىنداۋ جونىندە 18 ملن دوللارعا كەلىسىمگە قول قويىلعان.

“The Qazaq Times”