موڭعوليانىڭ بايان-ولگي ايماعىندا تۋىپ-ءوسىپ، سانالى عۇمىرىندا تالاي ونەر تۋىندىسىن ومىرگە اكەلگەن كومپوزيتور، مارقۇم ەرجان فايزوللاۇلىنىڭ اندەرىنەن «ەل كوشكەندە» اتتى بايقاۋ وتپەكشى.

بايقاۋدى ۇيىمداستىرۋشىلاردىڭ ءبىرى، م.قۇرمانحان اتىنداعى مۋزىكالى دراما تەاترىنىڭ ءانشىسى ءلايلا سماعۇلقىزىنىڭ KAZNEWS تىلشىسىنە بەرگەن مالىمەتىنە سۇيەنسەك، بايقاۋ 18-19 اپقان كۇندەرى بايان-ولگي قالاسىندا وتەدى. وعان 20 جاستان جوعارعى اۋەسقوي ونەرپازدار قاتىسىپ، باق سىنايدى. بايقاۋدىڭ شارتى بويىنشا ولار تەك ەرجان اندەرىن عانا ورىنداۋى ءتيىس. «بايقاۋدىڭ ماقساتى باي-ولكەلىك كومپوزيتور بەرجان فايزوللاۇلىنىڭ اندەرىن حالىققا دارىپتەۋ، كەرەي اۋەندەرىن ساقتاپ قالۋ» دەيدى ءلايلا. ايتا كەتەرلىگى، بايقاۋعا قوماقتى جۇلدە قورى تاعايىندالعان.

بەرجان فايزوللاۇلى 1954 جىلى ولگي قالاسىندا تۋعان. مۋزىكالىق ءبىلىم العان. ايماقتىق قازاق مۋزىكالى دراما تەاترىندا ۇلتتىق وركەستردىڭ باس ديريجەرى بولىپ قىزمەت ىستەگەن.

ەرجان – ەلگە تانىمال كوپتەگەن اندەر شىعارعان سازگەر. بەلگىلى اقىن مۇرات پۇشاتايۇلىمەن بىرلەسكەن شىعارماشىلىق ىزدەنىستەرى ناتيجەسىندە ون شاقتى ءان دۇنيەگە كەلگەن. ونىڭ «ەل كوشكەندە» ءانى ەلەۋلى تاريحي وقيعامەن – 1990 جىلداردىڭ باسىندا قازاقستانعا ۇدەرە كوشكەن بايان-ولگي قازاقتارىنىڭ قونىس اۋدارۋىنا بايلانىستى تۋعان ءان. تۋىندى حالىق اراسىنا كەڭ تاراعان.


“The Qazaq Times”