ۋلاانبااتار قالاسىندا 7-12 اقپاندا بوكستان جاستار اراسىنداعى ەل بىرىنشىلىگى بولىپ ءوتتى. اتالمىش جارىسقا 247 سپورتشى قاتىستى دەپ حابارلايدى KAZNEWS.

وسى جارىستا 60 كەلى سالماقتاعى قانداسىمىز، بايان-ولگيلىك بوكسشى ا.قابدىلماجيد بارلىق قارسىلاستارىن ۇتىپ، جاستار اراسىندا ەل چەمپيونى اتاندى. سونىمەن قاتار جارىستىڭ «ۇزدىك سپورتشىسى» دەپ تانىلدى.

ەستەرىڭىزگە سالساق، وتكەن جىلى جاسوسپىرىمدەر ءبىر التىن، ءبىر كۇمىس جانە ءۇش قولا جۇلدە ۇتىپ العان بولاتىن.

وندا دا، 63 كەلىدە ا.قابدىلماجيد التىن يەلەنگەن. ال، 60 كەلىدە ۇ.جانسەرىك كۇمىس جۇلدە العان. سونىمەن قاتار، 54 كەلىدە ا.قاريفوللا، 52 كەلىدە ا.جاندوس جانە قىزدار اراسىنداعى باسەكەدە 54 كەلى سالماقتا ونەر كورسەتكەن ج.لاشىن جارىستىڭ قولا جۇلدەگەرى اتاندى.

«بولاشاعى زور بوكسشى»  كۋبوگىمەن 57 كەلى سالماقتا ونەر كورسەتكەن ا.ءابدىلماجيد ماراپاتتالعان.

ەستەرىڭىزگە سالساق، بايان-ولگي ايماعىنىڭ سپورت، دەنە شىنىقتىرۋ باسقارماسىنىڭ باستىعى ق.قاينار جارىسقا تورەلىك ەتكەن بولاتىن.