KAZNEWS - مىنسە – كولىك، جەسە – اس، ىشسە – سۋسىن بولعان جىلقى كوشپەلى حالىقتىڭ بار كەرەگىنە جاراعان. زامان وتە كەلە بۇل تولگە دەگەن ەرەكشە سۇيىسپەنشىلىك پەن قادىرلەۋ ءالى دە ساقتالىپ كەلەدى. كيەلى جانۋاردىڭ ەتى، قازى-قارتا، جال مەن جاياسى، قىمىزى داستارحان تورىنەن ورىن الاتىنى بەلگىلى.

وتاندىق جىلقى شارۋاشىلىعىنىڭ بۇگىنگى ءحالى قانداي؟ جىلقى ەكسپورتى جۇزەگە اسىپ وتىر ما، مال باسى قانشا، سارالاپ كورەلىك.

ستاتيستيكالىق مالىمەتتەرگە جۇگىنسەك، بايان-ولگي ايماعىندا مال سانى 2 ملن 167 مىڭ 413 جەتكەن. ونىڭ ىشىندە جىلقى سانى 85793 عانا. جالپى جىلقى سانى ەلىمىز بويىنشا 3 ملن-نىڭ شاماسىندا. مامانداردىڭ ايتۋىنشا، جىلقى مالىن تىرىدەي ەمەس، ەت كومبيناتتارىن ىسكە قوسىپ، وڭدەلگەن ەتتى ەكسپورتقا شىعارعان ءجون.

بۇل ءسوزدى ازىق-تۇلىك، اۋىل شارۋاشىلىعى جانە جەڭىل ونەر كاسىپ ۆيتسە ءمينيسترى ساۋلە جانىمحانقىزى راستاپ وتىر. ونىڭ ايتۋىنشا،  «جىلقى مالىن تىرىدەي ەكسپورتقا شىعارۋعا تيىم سالىپ وتىرمىز. مال ەتىن وڭدەۋ ارقىلى ەكسپورتقا شىعاراتىن وندىرىستەردى قولدايمىز.» - دەدى.

سونىمەن قاتار، ساۋلە جانىمحانقىزى، ازىق-تۇلىك، اۋىل شارۋاشىلىعى جانە جەڭىل ونەر كاسىپ مينيسترلىگى تاراپىنان "1 ميلليارد توگروگ"  بايان-ولگي ايماعىنىڭ شاعىن جانە ورتا ونەر كاسىپتى دامىتۋعا بولىنگەنىن ايتتى.

«The Qazaq Times»