ۋكراينا پرەزيدەنتى ۆولوديمير زەلەنسكي G20 سامميتىنە شاقىرۋ العانىن مالىمدەدى. ەلەۋلى حالىقارالىق سامميتكە ونى يندونەزيا پرەزيدەنتى جوكو ۆيدودو شاقىرعان.
الەمنىڭ الدىنعى 20 ەكونوميكاسىنا يە ەلدەردىڭ ءسامميتى ءبيىل يندونەزيادا وتەدى. زەلەنسكي ءوزىنىڭ الەۋمەتتىك جەلىدەگى پاراقشاسىندا پرەزيدەنت ۆيدودومەن تەلەفون ارقىلى سويلەسكەنىن مالىمدەدى، ءارى اتالمىش سامميتكە قاتىسۋعا شاقىرۋ العانىن ايتتى.
"تۆيتتەر" پاراقشاسىنداعى مالىمدەمەسىندە زەلەنسكي: "ەڭ اۋەلى مەن وعان [پرەزيدەنت ۆيدودوعا. QT] بۇۇ-داعى اشىق ۇستانىمى ءۇشىن جانە ۋكراينانىڭ ەگەمەندىگى مەن اۋماقتىق تۇتاستىعىن قولداعانى ءۇشىن راحمەت ايتتىم. مەنى G20 سامميتىنە قاتىسۋعا شاقىرعانى ءۇشىن العىسىمدى بىلدىرەمىن ", – دەگەن.
مالىمدەمەدە ۋكراينا مەن يندونەزيا پرەزيدەنتتەرى تەلەفونداعى اڭگىمەسىندە ازىق-تۇلىك قاۋىپسىزدىگىن تالقىلاعان.
ايتا كەتەيىك، رەسەي ۋكرايناعا باسىپ كىرگەننەن كەيىن الەمدەگى بىرقاتار ەلدەر ازىق-تۇلىك ماسەلەسىندە قيىنشىلىقتارعا تاپ بولدى. اسىرەسە، ءداندى داقىلدار بويىنشا رەسەي مەن ۋكراينانىڭ ەكسپورتىنا تاۋەلدى ەلدەر سوعىستىڭ ۇزاققا سوزىلۋى ءوز ەلىندەگى ازىق-تۇلىك قاۋىپسىزدىگىنە قاتەر توندىرە مە دەپ الاڭدايدى. ونىڭ اراسىندا وڭتۇستىك-شىعىس ازيا ەلدەرى دە بار.
يراننىڭ رۋحاني كوسەمى: سوڭعى نارازىلىقتار كەزىندە مىڭداعان ادام قازا تاپتى
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى