مادەنيەت جانە سپورت ءمينيسترى كونفەرەنتسيادا. فوتو: QT.

بۇگىن جامبىل وبلىسىنىڭ اۋماعىندا ورنالاسقان "ەجەلگى تاراز ەسكەرتكىشتەرى" قورىق-مۋزەيىنىڭ قاراماعىنداعى "اقىرتاس" ساراي كەشەنىندە ءتۋريزمدى دامىتۋ ماسەلەلەرى بويىنشا باق وكىلدەرىنە ارنالعان ءباسپاسوز ءماسليحاتى ءوتتى.

ءباسپاسوز كونفەرەنتسياسىنا وبلىس اكىمى اسقار مىرزاحمەتوۆ پەن مادەنيەت جانە سپورت ءمينيسترى ارىستانبەك مۇحامەديۇلى قاتىستى. جيىن بارىسىندا "اقىرتاس" كەشەنىنىڭ جانە وبلىس اۋماعىنداعى وزگەدە تاريحي نىسانداردى تۋريستىك ورتالىققا اينالدىرۋ ماسەلەسى تالقىلاندى. بۇدان بولەك مادەنيەت جانە سپورت مينيسترلىگى، جامبىل وبلىسى اكىمدىگى جانە "قازاقستان تەمىر جولى" كومپانيالارى ءۇش جاقتىق مەموراندۋمعا قول قويدى.

تاراز قالاسىنان شىعىسقا قاراي 40 شاقىرىم جەردە ورنالاسقان "اقىرتاس" كەشەنى ءوز باستاۋىن VIII-XIV عاسىردان الادى. تاريحي شاھاردى زەرتتەۋگە 130 جىل ۋاقىت كەتكەن. قازىرگى تاڭدا كونە شاھاردىڭ جانىنا قالامەن اتتاس "اقىرتاس" ساراي كەشەنى بوي كوتەرگەن.

“The Qazaq Times”