تۇركىمەنستان پرەزيدەنتى قۇربانعۇلى بەردىمۇحامەدوۆتىڭ ۇلى سەردار بەردىمۇحامەدوۆ ءماجىلىس دەپۋتاتى بولىپ سايلاندى.

جەرگىلىكتى باق وكىلدەرىنىڭ مالىمەتىنشە، سەردار بەردىمۇحامەدوۆ پارلامەنت سايلاۋىنا №25 «دۋشاك» ايماق بويىنشا قاتىسقان. ونىڭ قارسىلاسى №10 مەكتەپ ديرەكتورىنىڭ ورىنباسارى وگۋلجەرەن گۋردوۆا بولعان. سايلاۋ قورىتىندىسى بويىنشا، سەردار بەردىمۇحامەدوۆ سايلاۋشىلاردىڭ 91,42 پايىز داۋىسىن الىپ جەڭىسكە جەتكەن. ال ونىڭ قارسىلاسى گۋردوۆا نە ءبارى 8,58 پايىز داۋىس جيناعان.

سەردار بەردىمۇحامەدوۆ 1981 جىلى دۇنيەگە كەلگەن. س.ا. نيازوۆ اتىنداعى تۇركىمەنستان اۋىل شارۋاشىلىعى ۋنيۆەرسيتەتىن، رەسەي ءىىم ديپلوماتيالىق اكادەمياسىن، جەنەۆا قالاسىنداعى ساياسي قاۋىپسىزدىك ورتالىعىندا ءبىلىم العان. قازىرگى تاڭدا ول تۇركىمەنستان پارلامەنتىنىڭ زاڭناما جانە ونىڭ نورمالارى كوميتەتىن باسقارادى.

سوڭعى جىلدارى قۇربانعۇلى بەردىمۇحامەدوۆ ۇلى سەرداردى كوپشىلىك الدىنا ءجيى ەرتىپ شىعاتىن بولعان. جاقىندا استانا قالاسىندا وتكەن ورتالىق ازيا ەلدەرى باسشىلارىنىڭ سامميتىندە سەردار بەردىمۇحامەدوۆ نۇرسۇلتان نازارباەۆپەن كەزدەسكەن. ساراپشىلار پىكىرىنشە، قۇربانعۇلى بەردىمۇحامەدوۆ ۇلىن ءوزىنىڭ ورنىنا قويىپ كەتۋگە قازىردەن باستاپ دايىندالۋدا.

“The Qazaq Times”