ءبىلىم مينيسترلىگى «استانا» ۋنيۆەرسيتەتىن سوتقا بەردى. اتالعان وقۋ ورنى ۋنيۆەرسيتەتى قر ءبىلىم جانە عىلىم مينيسترلىگىنىڭ تەكسەرۋ جۇمىستارىنا كەدەرگى كەلتىرىپ، قاجەتتى قۇجاتتاردى ۇسىنباعان.
مينيسترلىك مالىمدەمەسىندە: «2020 جىلدىڭ 12 اقپانىندا قر بعم تاراپىنان ۋنيۆەرسيتەتكە پروفيلاكتيكالىق باقىلاۋ جۇرگىزىلەتىندىگى تۋرالى حابارلاما جىبەرىلدى. كەلەسى كۇنى ءتيىستى اكت قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىندە تىركەلدى. 17 اقپاندا ۋنيۆەرسيتەت كوميسسياعا جوعارى وقۋ ورنىنا كەدەرگىسىز كىرۋدى قامتاماسىز ەتىپ، باقىلاۋ نىسانىنا سايكەس قاجەتتى قۇجاتتاردى نەمەسە ولاردىڭ كوشىرمەلەرىن ۇسىنۋعا مىندەتتى بولدى. الايدا، «استانا» ۋنيۆەرسيتەتى قازاقستان رەسپۋبليكاسى كاسىپكەرلىك كودەكسىنىڭ 155-بابىنىڭ 2-تارماعىنىڭ 1) جانە 2) تارماقشالارىن بۇزىپ، كوميسسياعا ءتيىستى قۇجاتتاردى ۇسىنبادى»، – دەلىنگەن.
بىلتىر تامىزدا «استانا» ۋنيۆەرسيتەتىندەگى جوسپاردان تىس تەكسەرۋ ناتيجەسىندە اتالعان ءبىلىم بەرۋ ۇيىمىندا قولدانىستاعى تالاپتارعا سايكەس كەلمەگەن ماسەلەلەر انىقتالعان بولاتىن. مالىمەتتەر بويىنشا، ۋنيۆەرسيتەتكە قابىلداۋ ەرەجەلەرى، ستۋدەنتتەردى اۋىستىرۋ جانە قايتا قابىلداۋ ءتارتىبى، ەمتيحان وتكىزۋ جانە ەمتيحان سەسسياسىنىڭ قورىتىندىسى بويىنشا قۇجاتتار جۇرگىزۋ ءتارتىبى بۇزىلعان. سونىمەن قاتار، ارالىق باقىلاۋ جۇرگىزۋ كەزىندە اكادەميالىق ساياسات ساقتالماعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟