قر ءبىلىم جانە عىلىم ۆيتسە-ءمينيسترى بولعان ەلميرا سۋحانبەرديەۆا سوتتا ءوز كىناسىن تولىق مويىندادى.

نۇر-سۇلتان قالاسىندا ءوتىپ جاتقان سوت وتىرىسى كەزىندە مەملەكەتتىك ايىپتاۋشى نۇرلان بەكماعامبەتوۆ: «سۋحانبەرديەۆانىڭ ايىبى ءوزىنىڭ مويىنداۋىمەن، كۋاگەرلەر مەن كۇدىكتىلەردىڭ تۇسىنىكتەمەسىمەن جانە قىلمىستىق ءىستىڭ وزگە دە ماتەريالدارى ارقىلى راستالدى. كۇدىكتى ءوز ايىبىن تولىق مويىندادى»، – دەدى.

6 ماۋسىمدا استانا سوتى ايىپتالۋشىنى تامىزدىڭ 2-ىنە دەيىن قاماۋعا الۋعا بايلانىستى شەشىم شىعاردى. بۇعان دەيىن ۇلتتىق بيۋرو ۆيتسە-ءمينيستردىڭ ۇستىنەن جەمقورلىققا قاتىستى قىلمىستىق ءىس قوزعالعاندىعىن مالىمدەگەن.

ايتا كەتەيىك، ەلميرا سۋحانبەرديەۆا 1971 جىلى 26 قازاندا اتىراۋ وبلىسىندا دۇنيەگە كەلگەن. 1995 جىلى ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن. 2013-2016 جىلدار ارالىعىندا استانا قالالىق ءبىلىم باسقارماسىنىڭ باسشىسى بولىپ قىزمەت اتقارعان. 2016 جىلى ساۋىردەن بەرى ءبىلىم جانە عىلىم ۆيتسە-ءمينيسترى بولعان.

"The Qazaq Times"