فوتو: bigmir)net

"Global petroleum prices" حالىقارالىق رەيتينگ اگەنتتىگى  ورتالىق ازيا ەلدەرىندەگى بەنزين باعاسىنىڭ رەيتينگىن جاريالادى.

«Global petroleum prices» جۇرگىزگەن زەرتتەۋلەر بويىنشا، ورتالىق ازيا ەلدەرى اراسىندا قىرعىزستان بەنزين قىمباتتىعى جاعىنان كوش باستاپ تۇر. بۇندا جانارجاعارمايدىڭ ءبىر ءليترى 65 تسەنت. ال ەكەنشى ورىنعا مۇناي مەن گازدىڭ ۇستىندە وتىرعان قازاقستان جايعاسقان. قازىرگى تاڭدا ەلىمىزدە بەنزيننىڭ ءبىر ءليترى 56 تسەنت تۇرادى. ءۇشىنشى ورىندا ايماقتىڭ ەكىنشى ەكونوميكاسى سانالاتىن وزبەكستان رەسپۋبليكاسى. وڭتۇستىكتەگى كورشىلەرىمىز جانارجاعارمايدىڭ ءبىر ءليترىن 52 تسەنتتەن ساۋدالاپ جاتىر. ال ايماق بويىنشا ەڭ ارزان بەنزين تۇركىمەنستان دا. قۇربانعۇلى بەردىمۇحامەدوۆتىڭ باسقارۋىنداعى ەلدە بەنزيننىڭ ءبىر ءليترىن 43 تسەنتكە ساتىپ الۋعا بولادى.

جالپى، الەم بويىنشا ەڭ ارزان بەنزيندى ۆەنەسۋەلادا ساتىپ الۋعا بولادى. بۇل ەلدە جانارجاعارمايدىڭ ءبىر ليترىنە ءبىر تسەنت تولەيسىز. ال ەڭ قىمبات بەنزيندى يسلانديادان تاباسىز. بۇندا جانارمايدىڭ ءبىر ءليترى 2,14 دوللار تۇرادى.

“The Qazaq Times”